داعش لابارك الله فيها صدق من قال انهم خوارج هذا الزمن
المهم غريبه ما نشوف داعش في قطر والامارات وعمان والكويت بالترتيب
الا السعودية يا كثرهم
صحيح البحرين فيها لكن تابعين لايران اما الكويت الفترة الاخيرة فقط طلعوا
واغلبهم سعوديين اصلهم وهذا اللي يقهر ليييييش
بعد تفكير انا اشوف احد الاسباب ان اغلب السعوديين تغسل عقولهم
اما بسبب البطاله ولا بسبب الحاله الماديه وهذة اهمها
لكن لو كان شغال وعنده نهاية الشهر راتب يفتح النفس
وزوجه تنتظره بالبيت وابناء
ما فكر ولو بثانيه يفكر بالافكار الخارجه
عكس الامارات وقطر بالتحديد
لانه عايشين حياتهم رواتبهم اقل شي 15 الف ووظايف تفتح النفس
ويتزوج من عمره 20
ولا عنده هم سكن ومستقبل
الله يعيني من مباحث اللي موجودين بالمنتدى والمنافقين
يزعجونا بسالفه طبق البيض اللي جت على راسهم وطلع ارخص من بيضنا
ولا بسالفه " احمد ربك أهم شي الأمن والامان"
مع ان الامن مع الاسف فقدنا والامن صرنا نشوفه في الامارات وقطر
لانكذب على نفسنا
من الشرقية للغربيه للشمال للجنوب كلها مشاكل وتفجيرات حدثت
اما بالحدود ولا بالمساجد وغيرها
يجيك واحد يقول احنا مستهدفين من بعض البلدان والاشخاص
صحيح انا معك لكن في حلول لايقافها
عندي حلول لايقاف فكر داعش لدى الشباب
وفوق ذالك للحد منهم
النقاط وهي :
1 : حل مشكله البطاله بين الشباب وزيادة الدعم الحكومي للوظايف الحكوميه
وايضاً القطاع الخاص وتقليل الاجانب من القطاع
2 : زيادة رواتب موظفين القطاع الخاص بالتحديد ووضع الاساسي من 5 الى 6 الف ريال
3 : مساعدة لكل مقبل على الزواج أي يعني الغاء قرض 60 الف
وتكون هديه زواج 60 الف ريال وليس قرض اللي طول عمره يسددة !!
لانه المشكله موب بالمهور كما يشيع المشكله ما بعد الزواج من سكن ومصاريف
4 : وضع حلول لمشكله السكن
اما للحد منها
وضع اعلان رسمي من الحكومه لجميع الاباء والامهات بالمقام الاول
والاخوان بالمقام الثاني
وهو أي سلوك مريب من احد ابنائك او اخوانك اما خروجه لاوقات طويله
وانت لا تعلم عنه وهو لا يجيب عليك في مكانه ان تبلغ عنه من باب
الحيطه والحذر
وأي واحد تارك عياله اما بزعل وغيره ولا يدري عنهم يبلغ عليهم للبحث عنهم
وايضاً من الباب الحيطه والحذر
وغير كذا ما في تصريفه للأباء والامهات او الاخوان يقولون ولا ما شفنا
تصرفاته وكان عادي بالبيت
لانه ابد الواحد يبان عليه التصرف من الداخل قبل الخارج
عموماً اي تقصير منهم من الاباء والامهات والاخوان يكونوا عرضه للمسائله
والعقاب اذا ثبت عدم ابلاغه وهو يعلم بحال الابن
غير كذا لن يقف داعش الا بقدرة الله وتذكروا كلامي
اذا ما شتغلنا على شبابنا وعطيناهم حقوقهم في الدنيا
المواضيع المتشابهه 
ليش ما نشوف داعش في الامارات وقطر والكويت الا السعودية ... الحكومه عندها الحل 
العرض الشجري
