بقايا عشق

قبل عام وألاحظ تدهور بالبصر .. وظهور دخان ابيض وسحاب خاصة بالاماكن المفتوحة وبديت اراجع اطباء العيون واحد اثنين ثلاث اربع خمس لمااااااان 10

كل تشخيصهم يا اني مافيني شيء والوضع طبيعي وضعف لتقدم العمر علما باني توي بأوائل الاربعين .. وكلهم نفس التشخيص ..

ويجيكم طبيب يقول لا والله انت بك ماء ازرق يعني جلوكوما واقول له وش اعراضه يقول زيادة ضغط العين واساله انا وش ضغط عيني يقول اقل من الطبيعي واقول له كيف اقل من الطبيعي وتقول فيني ماء ازرق ؟؟ قال حالة نادرة !!!

وصارت الرؤية تضعف اكثر واكثر واكثر وصار ثلث الصورة اسود ههه يعني الثلث الخارجي من العين اليمنى واليسرى بعد

ويقول خوينا هذا لي عاهدني اقول له وش عليه اعاهدك يقول لا تسأل طبيب غيري وامش على العلاج وفقط نبي نحافظ على الباقي

وطبيب اخر يقول لي الله يخلف عليك انت تشرب انت اقول له وش اشربه قال مسكر واقول له انا لله وانا اليه راجعون . يقول انت يدرسونك بكليات الطب انت سوي اشعات ولا تجيني عقبها وش اسويلك عاد ههه

صرت كل ما ادخل على طبيب عيون ادعو ربي ان يوفقه ويبصره للمرض

وبالاخير يجيك يمني ههه بمستشفى بحائل يقول لي اكيد بك مشكلة لانك تقول ما اشوف وحنا ما نشوف البلا وينه .. طيب وش الدبره قال على الرياض قلت وش اسوي قال بمركز كذا وبه استاذ مصري اسمه كذا وبعطيك رقمه وشوي الا وهو معطيني جواله وازهم عليه يرد مصري اداري المهم رحت لمه .. والله ما قصر يمكن 4 ساعات ومن غرفة لغرفة ومن جهاز لجهاز وبالاخير قال بؤولك ايه ههه انت مفيش مشكلة بعينك .. قلت له اجل ؟؟ قال المشكلة بالمخ ولازم رنين مغناطيسي على المخ واروح لمركز قريب من مكتبة الملك فهد واسوي الرنين الا ويطلع ورم فوق الغدة النخامية ومؤثر بشدة على العصب البصري والطبيب يقول لازم عملية واخويانا يقولوا عليك وعلى المستشفى العسكري والله العظيم مباشر على جراح بمصر لا عسكري ولا غيره واسويها ولله الحمد والشكر الحين مافيني الا العافية ولي شهور اول مرة ادخل المنتدى ولله الحمد ياربي والله اني كنت اتدرب على المشي وانا قافل عيوني واحفظ اماكن الغرف والمس وجوه عيالي هههه اللهم لك الحمد

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

i`d rwjd >> ;dt hpl] vfd ??