كنت في عاصمة الضباب منذ زمن بعيد و كان عمري 16 سنه.
من منكم يفتكر عاصمة الضباب أو مازالت ؟
ذهبت للدراسه و سكنت مع عائله لطيفه ،
هالحين يجيك واحد مطفي النور و يسأل من لطيفه ؟ :hawamer4112
أشد شعري
ماعلينا
المهم تتكون هذه الأسره من
أب 30 سنه – أم 24 سنه – إبنه 3 سنوات – إبنه 2 سنوات
ياحليل البنيات يعرفون إنجليزي أحسن مني
و أنا طولي مترين و عرضي متر و يخلف الله .. زماااان طبعا
هالحين شمرت
ماعلينا
صبيحة أحد الأيام في نهاية الأسبوع
قمت من نومي و نزلت تحت علشان أفطر
قابلتني الأم و سألتني وشلونك
تبادلنا التصبيح و الترحيب
طبعا أخوكم يالله يحتسي إنجليزي (يتكلم)
ياخوفي من السؤال عن يحتسي
مالكم في الطويله
سألتني الأم (كنت أهبل)
تبي كوب شاي و بعض البسكوت
قلت ياولد إن فلت لا مشكله
و نعم مشكله
ليه ؟
من يعرف ؟
لا = وش أطلب ما أعرف إنجليزي
نعم = مهوب مشبعني الشاي و البسكوت
قلت ياولد خيره قل نعم
راحت الأم للمطبخ تسوي الطلب
الله أكبر وش ذا الطلب
بنتها الصغيره حاستها بالمطبخ تدخل من تحت طاولة الطعام
و ترقى فوق الدواليب و حوسه
الأم أخترشت يعني طفشت
و قالت لبنتها
جعلك الضربه .. روحي و أسئليه
يبي شاي و بعض البسكوت ؟ تصريفه للبنت
و ياحليلي
الأم تحسبني بأمسك البنيه و أسولف معها علشان ترتاح
جت البنيه تعدي (تركض) .. علشان نرضي الكل
و سألتني .. تبي شاي و ثم يثكث
ثم بثكث = SOME BISCUITS
طبعا لهجة بزارين ثلم (مكسره السنون الأماميه)
طبعا كلكم فهمتوا وضعي
موقف أُحسد عليه
وش معنى ثم بثكث
جاك الموت ياتارك الصلاة
و الكلمتين تقولها بسرعه و متلاصقه
أدري إنه سؤال .. و كالعاده أفكر
نعم أم لا
قلت ياولد سو شئ جديد
الشاي أوكي حبيبتي
قالت و ثم بثكث
لا حبيبتي
طارت لأمها و قالت لها يبي شاي و مايبي بثكث
طبعا انهارت الأم و سألت نفسها .. هالثور وش فيه !!!
و جاتك مصفيه الطبلون بس بأدب .. ياحليلهم
أنت يالخو تبي شاي و بسكوت ولا لا ؟
طبعا أنتفشت لها و بأدب .. قلت لك نعم
ليه تقول لبنتي تبي شاي و ما تبي بسكوت ؟
أنتفشت ثانيه كني طاووس و فاهم
ابدا ما قلت لها
طبعا انهارت ثانيه و صحيتها بأدب
و نادت بنتها .. اسأليه ؟ مهوب مثل بعض حريمنا .. الله يخلف
هالحين جتني الروعه
البنه ياحليلها : تبي شاي و ثم بثكث ؟
طبعا انهرت أنا .. لأنه دوري تصحيني
شوفي يابنت الإنجليز .. ثم بثكث .. هذا وشو ؟
طبعا هالمره ما انهارت بل انفجرت ضحك
طبعا البعير القاعد زعل .. ليه تضحك !!!!
تعرفون مشاعرنا العرب
قالت يابعير هذا كلام أطفال مهوب واضح
ثم بثكث = بعض البسكوت
البعير انسدح على الكنب و غشيت من الضحك (أهبل)
طبعا ذيك الأيام
حبيبتي البنيه قالت أنت ماتفهم كلامي !!
رديت بخجل كيف ما أفهم كلامك (خرطي) !!!!!!!
روحي و جيبي شاي و ثم بثكث
كلنا ضحكنا و أنبسطت البنيه
أهم شئ الونااااااسه
حصل ليّ 
العرض الشجري
