احبتي في الله اسأل الله لكم السداد والربح الوفير وان لا يعوضكم لخسارة خلال الأشهر الثلاثة الماضيه وانا ارى مايجري ويدور في منتدانا العزيز من صراخ وألم وتوصيات و تطبيل وارجاف وكل يغني على ليلاه.
ولله الحمد أنا خارج السوق منذ كسر المؤشر 9200 وانا ربحان من قناعه ولم ادخل من حينه ولم تحين للفرصه للدخول بعد.
لدي نصيحة اخويه للجميع سواء الي داخل السوق او الخارج
1/ الخسارة لا تتحقق الا بأمر البيع لو تنتظر سنوات صدقني ستخرج بربح لكن لاتستعجل البيع امر التعديل راجع لك لكن ليس وقته الان
2- السوق من وجهة نظري المتواضعة وليست مبنيه على تحليل فني ولا رسمي ولا غيره يعتبر دخول أمن في احد أمرين اما ان يكسر 7000 ويقفل تحتها او يكسر 9000 ويقفل فوقها وبكمية تداول عاليه عندها أتوقع يكون الدخول أمن باْذن الله
3- لا تنتظر احد يوصي على سهم تشتري فيه اذا انت داخل السوق تبي تستثمر وتضارب عالاقل خذ لك دورة تستفيد منها لأنك بتحط فلوسك وحلالك ومو معقوله تحط قروشك على قناعة غيرك او استر بشركات عارف وضعها المالي وتعطي أرباح
4- الي يوصي على سهم لاتتوقع انه شايل همك ويدور لك الربح حتى لو هي نيته لكن سيكون واحد من اثنين يا راعي فبوتشيني وتاسي والحركات حقت المؤشرات ويعتمد على رسم مو أرباح وتشغيل ويمكن يصيب ويمكن يخيب ع حسب مزاج ام المضارب والنوع الثاني ينقسم لقسمين ( يا واحد سمع من منتدى ولا جلسة شباب ان السهم الفلاني بيطير وجاك ع وجهه يوصي عشان يقول شفتم ان عندي سنع والثاني ( احم احم) مرسلينه الربع يطبل علشان يصرفون على الشعب
5- السوق من قناعتي الشخصية لازم ينزل هالنزول قبل السماح للاجانب بالدخول علشان صناديق الدولة تجمع فيه لحمايته بالمستقبل من المستثمر الأجنبي لان صدقوني مضاربنا الحين بيطلع حليل مقابل الأجنبي اذا نوى يقلبها صن ويدمر سوقنا
6- لا تتشائموا فالتشائم ماراح يجيب الا النكد والزعل وضيقة الخلق ويمكن يطلعك عن أدبك
7- قفلوا الشاشه وعيشوا حياتكم ولا تدخلوا الا بأحد النقطتين الي فوق
المواضيع المتشابهه 
بقايا عشق 
السوق نزول طلوع تطبيل ترجيف .. باختصار 
العرض الشجري
