منتديات شمس الحب - ولولا سواد قلوبنا ماشكينا

ولولا سواد قلوبنا ماشكينا

تـدرون ليـه الحـال تبكيـلـه قـلـوب
ولـيـه الكسـافـه ضنكـهـا مبتليـنـا
حنـا البـلا والبهذلـه ذنـب مكـتـوب
نظـلـم بعضـنـا وكرهـنـا مرتويـنـا
لين امتلـى قلـب الزمـن كلـه عيـوب
ونشكـي زمنًـا لـكـن العـيـب فيـنـا
لا تنشـد المغلـوب مـن ميـن مغلـوب
أنـا أعتـرف لـك واحـدٍ مـن حديـنـا
نظلـم ونكـذب لكـن الذنـب محسـوب
وذنوبـنـا مـــا قـدمـنَـه ايـديـنـا
نعرف خطانابس مانعرف انتوب
الله يـرحــم حـالـنـا ويهـديـنـا
صغيرنـا تافـه و ضـايـع ومنـهـوب
وكبيرنـا يرسـي عـلـى كــل ميـنـا
هامورنـا المحتـال غالـي ومحـبـوب
وفقيرنـا مـكـروه لــو هــو يبيـنـا
مانرحـم المسكيـن لاصـاح مـكـروب
لـجـل الشمـاتـه كلبـونـا غـزيـنـا
الصدق يزعل لاكن الحق مطلـوب
اليـا متـى وابليـس يضـحـك عليـنـا
ونبغى المطر وقلوبنا كلها ذنـوب
من حسدنا حتى المطـر مايجينـا
لولا ذنوب الضنك ماصاحت قلوب
ولـولا سـواد قلوبنـا ماشكينـا

منقول