عندي ولد يدرس خامس ابتدائي وتضارب نهاية الدوام مع طالب في سادس وعلى حسب رواية ولدي إنه ضرب الطالب اللي في سادس وجاء ابو الطالب المضروب عشان يشيل ولده للبيت وشاف المضاربة وشاف ولده يوم اندبغ المهم الرجال نزل من السيارة ومسك ولدي لولده عشان يضربه وفعلاً ولده ضرب ولدي وقام هو وكمّل الباقي ورجد بولدي على الأرض وضربه المهم ان ولدي جاء للبيت وهو يبكي وانا كنت مسافر ولا وصلت للبيت الا بعد المغرب وعلمني الولد بالسالفة وانا جن جنوني ووصفني الولد بيتهم ورحت لهم على طول ووقفت عند بابه وبغيت انزل وترددت وقلت يا ولد لا يقلبها عليك ويقول هذا جايني يتهددني ويتهجم علي في بيتي ولعنت الشيطان وقلت خلني آخذ حقي بالنظام وأروح للشرطة وفعلاً رحت للشرطة وكتبت بلاغ وطلع معي جيب شرطة لبيتهم بعد صلاة العشاء ودقينا الجرس والباب ولا طلع لنا أحد وطلع جارهم وقال شكل مافيه أحد في البيت لأن لمباتهم طافيه .. المهم رجعنا للقسم مرة ثانية بدون الرجال وعطوني ورقة للمستشفى لاستخراج تقرير بالاصابات وكانت الحمد لله اصابات طفيفة وسطحية ورحت وجبت التقرير وسلمته لهم حوالي الساعة 12 بعد منتصف الليل وقالوا لي خلاص رح وحنا بنحضر خصمك وندق عليك إذا جاء .. المهم ماقدرت اصبر ومريتهم الساعة 3 الفجر قلت هاه وش صار قالوا ماصار شي وحنا قايلين لك بندق عليك على يوم الأحد إن شاء الله واللي علينا سويناه وطلعنا معك بعد ومالقيناه والوقت الآن متأخر وما نقدر نروح له الساعة 3 الفجر وندق على بابه .. طبعاً اقتنعت بكلامهم وطلعت من عندهم وانا مقهووووور ومغبووووون ومريت من قدام بيتهم وقلت لو اني مناديه عند الباب وماخذ حقي بيدي بدال هالمرمطه والانتظار الى يوم الأحد ويمكن يجي للشرطة وينكر ويقول انه ما ضربه مع ان فيه شهود يقول الولد كانوا موجودين راعي البقالة اللي جنب المدرسة وولي أمر أحد الطلاب وهو اللي فرّق بينهم ومريت راعي البقالة وسألته وقال للأمانه ماشفت الضرب بس سمعت الصياح وطلعت ولقيت ولي أمر أحد الطلاب يصارخ على هذا المعتدي ويقول له مالك حق تمد يدك على طفل !! وقال راعي البقالة أنا مستعد أجي للشرطة وأقول الكلمة هذي .......... المهم انه فاير دمي ولا عرفت أنام وأبغى مشورتكم في الموضوع علماً بأن اليوم الخميس ولازم انتظر لين بداية الدوام يوم الأحد ؟؟
المواضيع المتشابهه 
لميسـ 
ولدي انضرب اليوم .. 
العرض الشجري
