منتديات شمس الحب - تسجيل دخول

!
تسجيل دخول

سجلت في قلبي دخولك على طول
..... وغنت جروح القلب فيكم نشيده

كلمة المرور

وكلمة مرورك جابها منك مرسول
.... وبدلتها وارسلت كلمه جديده

ملف

واصبح ملفك داخل القلب معزول
... وحفظت به من دم قلبي قصيده

تحرير

وسويت لك تحرير عن كل مجهول
... متوسط ٍ بين الخفوق وّريده

الخلف .. الامام

وللخلف لو ترجع ترى الخلف مقفول
... رح للأمـام وفك صفحه جديده

عنوان

واكتب على العنوان للغير مشغول
.... حنـّا سكنـّا وارسلي في بريده

تحديث

وأضغط على تحديث وتشوف مدلول
... وكل الكلام اللي قريته تعيده

ايقاف

وان شفتني هالك على الدرب لا حول
... أضغط على ايقاف وأقرا القصيده

تسجيل الخروج

وأن كان ودك تترك القلب مشغول
... سجل خروج وشب فيني وقيده