اول شيء اسويه
كل عسكري تصرف له كاميرا
بقول لكم نهاية الموضوع ليه الكاميرا؟
واطلعهم استلامات بالشوارع الرئيسية والطرق
واعدل مخالفات جديدة تحت بند مخالفات خطيره تضر بالامن العام وحياة المواطنين وهي كالتالي
التجاوز على الطرف من اليمين مخالفة 5000 ريال
الاقتراب من المركبة التي امامك بمعدل 1 متر فاقل وسرعة الطريق اكثر من 80 كيلو مخالفتها هي 10 الاف ريال مع سحب المركبة 6 اشهر وسجن السائق سنة كاملة والحكم عليه بمحاولة القتل وايقاف خدماته في المرور طول مدة محكومتيه
وقوف خاطئ بشكل طولي امام مركبات متوقفه بشكل عرضي ونظامي " يسكر عليهم قدام مطعم او محل " مخالفتها 5000 ريال مع سحب المركبة شهر كامل
الوقوف في الاشارة بالمسار الايمن المخصص للانعطاف يمينا واقفال المسار على من يرغب بالذهاب لليمين
مخالفتها 2000 ريال
كذلك تنطبق على من يقفل مسار الانعطاف للخلف " يوتيرن" لرغبته بالذهاب يمين بالاشارات الرئيسية المتفرعة من الدائري والطرق الرئيسية
استخدام المسار الايمن المخصص للمركبات الامنية والاسعاف مخالفتها 5000 ريال مع سحب المركبة شهر كامل " استخدام المسار قط يعطل جهات الامن او الطوارئ الاسعافية
تجاوز الاشارة الحمراء 10 الاف ريال +سحب المركبة 6 اشهر+سجن 6 اشهر+منعه من القيادة سنتين
التفحيط+عكس الطريق بصورة تضر المركبات الاخرى وتمثل خطر على حياة الاخرين مخالفة 10 الاف ريال+سحب المركبةمدة سنة اذا كانت ليست باسمه وانما باسم الاقارب من الدرجة الاولى اما اذا كانت المركبة باسمه فتسحب نهائيا وتباع بالمزاد ويذهب ريعها للجمعيات الخيرية او صيانة الطرق+سجن 5 سنوات سحب الرخصة ومنعه من القيادة سنتين بعد خروجه من السجن
الكاميرا
تكون مع العساكر عشان يوثوقون المخالفه ماهو بكرا يتبلون خلق الله وتكون المخالفة مشروطه بتصويرها
وكل عسكري يصور مخالفة من هالمخالفات الخطيرة يصرف له 5% من قيمة المخالفة في حين دفعها
عشان العساكر يتحمسون ويتركون سالفة بعطيك مخالفة بعدين يناظرك ويقول انت ولد فلان ولا من القبيله الفلانية خلاص حرك حرك
لا
المقصد يتعدلون هالمراهقين...والله يبارك للعسكر برزقهم الجديد خلهم يتحمسون عشان يضبطون الشوارع
اقول ياليت استلمها والله هالاشكال ذولي ما ارحمهم خربو شوارعنا وصارت الواحد نفسيته مخيسة اذا طلع لهشوارع منهم
المواضيع المتشابهه 
لو استلم ادارة المرور بالرياض اضبط لكم الشوارع بشهر 
العرض الشجري
