أصبت بحادث مروري عام 1431 وحصل معي خلع في مفصل الحوض الايسر ونفس المفصل ضرب في عرق النسأ فتأثر عندي الرجل اليسرى كاملة مما سبب لي ارتخاء في القدم اليسرى وعدم القدرة على رفع القدم للأعلى منذ تلك الفترة الى اليوم ولكن فيه استجابة بسيطة للرفع بشكل خفيف جداً وايضا هناك تنمل بسيط في القدم
ذهبت لمدينة سلطان الانسانية وقابلت دكتور اجنبي قالي : حنا بنعمل لك علاج طبيعي مكثف لمدة شهرين 3 جلسات في السبوع ولكن لااعتقد ان القدم سترجع طبيعية لانك تأخرت ! لكن حنا نسوي لك علاج طبيعي ونشوف
وانا اقول حسبي الله على وزارة الصحه وعلى الطاقم الطبي اللي كان مشرف علي اثناء تواجدي عندهم بالمستشفى لان لايوجد توعية للمريض وماسيتعرض له مستقبلا وان يجب عليه الاسراع في ممارسة العلاج الطبيعي وان التأخير سبب في تفاقم المشكلة للاسوأ ! مافيه توعية ابداً .. مافيه توعية بان ضعف العضلات سيؤدي الى احتكاك في مفصل الحوض وستؤثر على الركبة ( وهذا ماأعاني منه الان احتكاك بسيط جدا في مفصل الحوض والقليل من الالام في الركبة )
اثناء تواجدي بالمستشفى لمدة شهرين ونصف كنت على السرير بدون حركة وبعد مرور الشهرين كنت متوقع انني سأقوم وامشي على طول لبيتنا ولكن النتيجة ( كدت ان اسقط على وجهي بالارض وانا مجرد جالس على السرير استعدادا للنزول على الارض للمشي ) اصبت بدوار ورعشة في جسمي واحسست بغثيان والسبب : العضلات والاعصاب ضعيفه من عدم الحركة
على العموم مالحل يالربع ؟ هل قدمي ستكون على هذا الحال ؟ لاحول ولا قوة الا بالله
قدمي اقدر اقول عنها ( شلل في الاطراف ) ولاحول ولا قوة الا بالله
نفسيتي جدا سيئة وحسبنا الله ونعم الوكيل لو اني في المانيا ولا التشيك كان حالي أفضل