قدر الله علي وسجلت في الخدمات الالكترونيه لوزارة الداخليه ورحت فعلت الخدمه من الاحوال وكنت فرحان قلت الله من راحه بتجيني كل شي من النت المهم ادخل ع المرور
خدمة المركبات والقى علي سياره لا زالت باسمي مع العلم اني بعتها قبل 14 سنه :hawamer5712:hawamer5712:hawamer5712 المهم جاني احساس مدري وش هو المهم طلعت الراحه عرض خخخخخ قلنا ما لها الا نبلغ والله واصبحهم اليوم من بدري على بالي اعطيهم الاثبات واسجل بلاغ المهم وهاتك يا فرفره من مدير المرور الين الخفير من قسم في قسم طبعا السالفه جيتهم قالو اكتب معروض كتبنا معروض واحالني على الجزاءات جيتهم قالو رح جيب برنت جبنا البرنت قالو ارجع جيب برنت تفصيلي شريحه عن السياره المعنيه رجعنا جبناها قالو اووووووووووووه السياره مطوفه وعليها غرامات تطويف وغير مامنه طبعا هنا بداء الانفجار :hawamer5712:hawamer5712 من جدكم قالو لازم ما نعلق السياره على قولتهم الا وهي نظاميه قلت يا خوي جاي ابلغ في سياره انتم ما نقلتم ملكيتها على المشتري والحين اروح اجدد وامن والسياره مدري وين هي ومع من قال هذا النظام ورحت جددت وسددت الغرامات و امنت على السياره يا حظ راعيها ويا حظ المرور والتامين بدراهمي بس والله المستعان رجعت لهم قلت ابشركم سويت اللي تبونه قالوا ارجع جيب برنت بعد التجديييد لازم رحت جبت البرنت قالو اووووووووه باقي ما نزل في النظام انتظرت قالو اووووووووووه ما تتجدد علشان السياره ما هي مفحوصه هنا يا اخوان قلت اجل اش رايكم اروح اعطي راعيها مفتاح سيارتي اللي معي يكون ابرك وطلعت وخليتهم يا اخوان بالله هذا نظام انا جاي ابلغ واخلي مسئوليتي واتعامل بهذه الطريقه يعني بدل ما يكون فيه مرونه في استقبال بلاغي وياخذونه بجديه ويعملون بحث وتحري عن السياره ويعمم عنها طلعت بدون فايده اه منك يا المقبل ومن انظمتكم مع العلم اني متاكد ان السبب في المرور ما نقلوها للمشتري او ان عنده واسطه في المرور و خلى السياره باسمي عموما انا الى الان ظغطي مرتفع ولا لقيت حل معهم ,,,,,,
المواضيع المتشابهه 
قصتي مع المرور ( اي نظام هذا ) 
العرض الشجري
