السلام عليكم ورحمة الله وبركاته اخواني الكرام اليوم مريت عالنقاهه اشيك على اصابة قديمه لي المهم عطوني علاج وجلست انتظر الممرض يدورونه عشان يصرفه لي وقعدت اسولف مع احد الموظفين وجلس يشكي لي يقول ياخي الدنيا تغيرت المبنى مليان من كبار السن ويقول اقسم بالله يا بعضهم ما فيهم الا امراض عاديه مثلا ضغط او سكر وفترة اسبوع ننظم لهم غذائهم وعلاجاتهم الا وهم بخيررررررر لكن ما احد يجي يستلمهم ويقول نبلغ فيهم الامارة ولا يعبرونا الا يقول بعضهم يجيب امر من الملك ؟! واسطات وزحمة وامر برمي والديه في النقاهة ؟ مدري ابو متعب او من ينوب عنه ما يدري وش يوقع عليه والا شسالفه ؟يعني اولادهم رامينهم انا المعلومة اللي صدمتني واذهلتني يقول ما في امكانيه نستقبل مريض واحد والعالم اللي حاجزين عندنا 800 يا دافع البلا 800 يبون يرمون ابائهم وامهاتهم في النقاهه ولا عاد يسئلون عنهم يقولي بعضهم مر عليهم اكثر من 5 الى 7 سنوات ما حد يسئل عنهم وفي عجوز ماتت ولا حد سئل عنها ولا يدرون انها ماتت اصلآ وانهم قامو بقبرها وجوالات اهلها المسجلة بالملف مقطوعة عن الخدمة ...,
يا اخوان ونتسائل ليه الغلاء في الاسعار وليه الفتن تزداد يوما بعد يوم وليه القحط ونفور البركة من بلادنا وليه الانحطاط الاخلاقي والله من هؤلاء الشرذمة الله الله في الوالدين والبر بهما ولا حول ولا قوة الا بالله والله العظيم نفسيتي قفلت من هالاوادم لا وفقهم الله
المواضيع المتشابهه 
اليوم مريت النقاهه ويا ليتني ما مريت مصيبة العقوق 
العرض الشجري
