أنا أستأجرت فيلا بالعليا لمؤسستي منها سكن للعمال ومنها مكتب لي واللي حواليني لبنانيين وسوريين وفلبينيه الجيران ،،
بعد شهرين من السكن السوري اللي مقابلني طلب مرة اقفال الشباك المطل على بيته لوجود حفله عنده بالبيت وقلته من عيوني تم غلق الشباك في الدور الثاني وبعد فترة في يوم خميس أتصل علي مهندس من المكتب وقال أن الجار السوري قفل عداد الكهرباء ولما طلع العامل طقوا العامل هو وعياله الأثنين وسبوه وسبوا كفيله وما خلوا كلمة عليه ومن ضمنها سبوا رب العامل المسلم وتم ضرب العامل داخل المكتب ،، وحضرت للمكتب وقالوا لي السالفه ولم يقولوا لي انه سب رب العامل ألا بعد يومين المهم رحت للجار أحترام الجيره وواضح أنه شراني ولم يعلم أني انا اللي ادير المؤسسة وبظنه والله اعلم أني متستر ولم يتوقع حضوري على الفور ،، ادخلني البيت وقلت له احترام للجيره لن أبلغ الشرطة وارجو أن لا تكررها مرة ثانيه واعتذر وطلب مني اقفال الشباك نهائي وتم له ذلك بالفعل ولم يفتح من شهر وبعدها بفتره جاء واحد اردني جاري ايضاً ولديه سيارتين ساكن بعمارة مقابلي وكتبت له ورقه بعدم الوقوف امام بابي ولكنه كتب على الورقه نفسها ارجو الاتصال واتصلت عليه وقال مافي مكان وانا لازم اوقف عند بابك وانه عندي سيارتين ،، فقلت له بالحرف الواحد لو سمحت لا عاد توقف لو سمحت لا عاد توقف نهائياً فقال مو مشلة راح اتصرف الكلام هذا من اسبوعين وامس الصباح حاءتني البلديه وقالت لازم تخلي الموقع لانه ممنوع ،، طبعا موظف البلديه والعامل فاتح باب المؤسسة وانا قايل للعامل دايم خلي الباب مقفل دخل الفيلا وقعد يدور بوسط الفيلا ولما قابلته عند الباب وهو طالع عطاني ورقة الاخلاء ولازم اكتب تعهد بالبلديه يوم السبت ،،.
اولاً : مغبون من السوريين وراح اطرقبها على رؤسهم وراح اشتكي عل الشرطة بضرب العامل وجاري سعودي كان حاضر المضاربة
ثانياً: اتوقع الشكوى من الاردني الوسخ
ثالثاً: موظف البلديه ارتكب اكبر مخالفه وهو دخوله المكتب بدون اذن ودخول أي بيت يلزم تكوين لجنه من الأمارة وليس بالسهل دخول اي بيت بالشكل العادي.
المواضيع المتشابهه 
قصة حصلت لي ومغبون منها ..ما الحل؟ 
العرض الشجري
