فتاة ببراءة الطفوله غصبها والدها من الزواج برجل كبير بالسن ومتزوج.. فحملت منه واتت بولد فأخذه منها واعطاه لزوجته الاولى.. ثم اتت بطفل ثاني فأخذه كالاول... وفي الاخير حملت بطفلتها جمانه
فأخذها منها آيضاً... قامت الفتاة بالأتصال بشيخ لتطلب النجده لأطفالها.. وقالت انها ستنتحر !!
فقال لها الشيخ اتصلي علي بوقت أخر لمساعدتك يقول الشيخ انتظرتها ولم تتصل علي حتى الان وتبين لي انها توفيت بحادث سير " رحمها الله رحمة واسعه " فكانت كاتبه هذه القصيده قبل وفاتها وقيل إن الشاعر وصفها لما سمع قصتها ومعاناتها
**
جنون الليل خيّم في سواده .. وماتت دمعتي في وسط عيني
كبرت وماكبرت إلآ قراده .. و كنّ الجرح واضح في جبيني
عمر خمسة عشر مابه زيادة .. ولكن ضعفها حزنٍ يجيني تفرْعن والدي ظلم وجلاده .. تقاليدٍ ماهي من شرع ديني وزوّجني لواحد من عناده .. سنينٍ واجده بينه وبيني بياض الراس زايد عن سواده .. على ضرّه عنيدة ماتبيني حملت وجبت مولود بساعدة .. فرحت وقلت هاتي ياسنيني يتيمة فرحتي همّ ونكادة .. ولكن بعدها يخطف جنيني اخذ مني صغيري في مهادة .. عطاه لـ ضرتي قدام عيني سكت وقلت يهنا في مرادة .. بكيت وقلت وش تقدر يديني ؟ وجبت الثاني بـ تالي رماده .. وخفت ان راح يذبحني حنيني و شاله والده غصب بـ عتاده .. وانا همّي بعدهم يكتسيني حملت بـ من ملت قلبي رغادة .. وقلت الموت لاراحت يجيني خطفها ماعرف معنى العبادة .. وسلّمها لها و اقفى اللعينِ بكيت وقلت وش ترجي حصاده ؟؟ وتمتم مقفيٍ في كلمتين اخذتك مصنع جابوا وِلادة .. ولكن ماحسبتك تفهميني وسالت دمعتي فوق الوسادة .. بكيت ومابكيت الا سنيني انا ام اطفال بـ اوراق وشهادة .. ولكن الامومة ماتجيني لو اسمع من جمانة قول دادة .. حكايتها ترد الروح فيني جمانة طفلتي مابي زيادة .. طلبتك ياجمانة تسمعيني انا امك يا منى القلب ومرادة .. وطيفك مارحل من وسط عيني ومايملك خفوقي من ركادة .. تحوّل للجنون بـ لحظتين متى حظي يبي يسرد جوادة ؟؟ تعبت و لاحد ماخذ يديني جمانة طفلتي مابي زيادة .. طلبتك ياجمانة تسمعيني
المواضيع المتشابهه 
قصة وقصيدة ام جمانه رحمها الله الذي حرمها زوجها من اطفالها 
العرض الشجري
