زميلي يروي لي القصة كما حدثت يقول في يوم تداول أسمنت الشمالية اتصل علي زميل قديم وكان من أصحاب التوصيات أيام 2006 وقال لي يابو فلان وكنت على إنقطاع معه وش أخبار الأسهم قلت وينا وين الأسهم قصقصونا الرجاجيل ولا عاد عندي ولا سهم إلا اكتتابات ولا لاتذكر قال لي طيب اليوم تداول الشمالية قلت أسمعهم يسولفون قال حولك دراهم قلت آمر احسبه يبي سلف قال لا أبيك تشتري اليوم في الشمالية قلت مهبول قال اسمع دبر عمرك واشتر مع الافتتاح وعلمني علشان تحط سعر البيع يقول خوينا وأناظر ولا المحفظة مافيها 9000 يقول وأحول مبلغ 20000 وقبل التداول اتصلت وقلت يابوفلان تراني مانيب ناقص خسائر قال كم سعرها الان اطلبها ب19 يقول والله وأنا أكلمه قلت حطينا 19 وعطونا قال حط أمر بيع 57 قلت صاحي أنت قال اسمع الكلام حط 57 ورح ارقد والوعد الليلة يقول والله أحط 57 وأطفي الجهاز وأجلس أناظر التلفزيون يقول وأشوف 25 وتحكني يدي أبيع يقول واتصل قلت أبو فلان 25 وش رأيك قال أقول رح نم والله وأشغل نفسي وأنا قاعد أتغدى إلا رسالة جتني تم تنفيذ الأمر شوي إلا خوي يتصل علي راحت والا لا يقول والله العظيم هذا ماحدث لي
المواضيع المتشابهه 
هذا ماحدث لزميلي والله على ما أقول شهيد 
العرض الشجري
