بسم الله الرحمن الرحيم
ان الحمد لله وحده والصلاة والسلام على من لانبي بعده وبعد :
احبتي الكرام ..لأهمية المرحلة الحالية والقادمة ان شاء الله ومن باب النصح ومحبة الخير لكم وطمعاً في دعوة في الغيب أقول لكم
هذه المرحلة تشابه 2003 في كل شيء تجميعيه صعوداً وهبوطاً
نحن كمتداولين ننظر لنقطة اختراق ونشتري ونبيع بعد ذلك بثمن بخس نراه الآن شراء احترافي وبيع احترافي
خلاص المتداولين كلهم محللين وعندهم برامج وماينصادون طيب كسر السهم نبيع بوقف الخسارة وعلقة تفوت ولااحد يموت وبكرة نعوض حلووو ..اللي جبته امس راح اليوم
طيب يافنان من اللي يشتري منك بعد الاختراق ومن اللي نفر بالسهم واخترق به وخلاك تشتري ومن اللي كسر الدعم وليه كسر الدعم حنا فنانين ومحترفين وهو من جنبها رزق ساقه الله لنا ...!!
اخواني معلومة قد يعيها البعض وقد لايعيها ان اكبر كمية السهم تم تداولها من ولادة المؤشر كانت في قمة 2012
نعم اكبر من كمية 2006 وبنص القيمة يابلاش من اللي استحوذ عليها وجرد الناس من اسهمها ..!!
طيب الزبدة....
ياجماعة خير اللي صاير في السوق لعبة استحواذ على كميات قبل فتح السوق ...والسوق مقبل على خير
المؤشر لعبتهم ولاله علاقة بالسوق كل قطاع له مؤشر وكأنه سوق منفصل وكل سهم له موجة وكأنه في سوق غير سوقنا
لايسرقكم الوقت في المضاربة وربح ريال او نص ريال او خسارة مثلها
العبوا معهم نفس لعبتهم
فرص عظيمة في السوق هالفترة اسهم زيادة رأس المال بمنح
انابيب كانت قدامكم اشتروها بمعدل 24 ريال ومنح سهم لكل اربعة واستفادوا منها بطلوعها قبل المنحة الى 28 وبعد المنحة استفادوا زادت كميتهم 25% ومن 20 طلع لـ 30 وكم سعره الآن...
طيب نهاية شهرنا هذا وحتى منصف ابريل احقيات منح في السريع سهم لكل اربعة البلاد سهم لكل ثلاثة اسمنت ينبع وهو الافضل سهم لكل سهمين ... البحري تكوين اكسترا ..الخ
اسهم ثمينة وبااسعار زهيدة قدامنا القصيم من اقل من 8 الى 30 والجماعي والصادرات وووو ... اسعار كانت في الحضيض من اشتراها وتمسك بها...
مرحلة بناء ثروه لمن يهديه الله ويريد به الخير ويحسن التعامل مع المرحلة
اسمنتات تحت العشرين يابلاش بتروكيماويات تحت الخمسة عشر يابلاشين بنوك تحت الثلاثين ماهو معقول ..!! تكافليات البنوك خاصة اللي مامنح مثل الراجحي ...
الصحراء والمتقدمة بدائل لسابك وسافكو وسترون اسمنت المدينة وحائل والجوف
سألت هل انهى الراجحي تصحيح 2006 ولم ينتبه للسؤال
والحقيقة اني أعي الاجابة وكنت ابغاه يجاوب لكي يستفيد القاريء
هناك اسهم لاتصحح الا بالوقت والمنح اذا وصل الراجحي 90 ومنح سهم لكل سهم اعلموا أن الموجة الذكية التجميعية الحالية انتهت وبدأت الموجة المجنونة لأسهم العوائد طبعاً بعد مايعلقونا في الخشاش ونكون مفلسين ويفتحون السوق لمشترين جدد يعرفون قيمة سابك و الصحراء والمتقدمة واسمنت اليمامة والدوائية والبحري رابع ناقل في العالم والمراعي ونادك وجبل عمر وووو....
الخلاصة ..واعذروني على الاطالة اذكروا سعر زين اليوم وشوفوه بعد كم شهر ولاتصدق ان زين تضحي بسمعتها الاسبوع الجاي مجلس ادارة جديد وجدولة ديون وشركة جديدة مسحت خسايرها في خفض ورفع راس مالها وعندهم مليار وشوية من هاللعبة دفعة للبنوك للجدولة ..اذكروا سعر اعمار يابلاش ...الحديث يطول وله اكمال ...
انتقي سهمك على ذلك والبد بلا اختراق بلا كسر ولاتبيع الا على قمم سابقة 2007 او 2008 ولاتستغرب راح يمر عليك تتمنى سهم تحت الخمسين وماتلقاه وبعده المية لين توصل الوف مثل 2006 والاسهم مثل سكة القطار كل رقم سجله السهم يعود له ...
لله ثم للتاريخ كتبه اخيكم عبدالرحمن الحربي في 6 جماد الاولى 1434
المواضيع المتشابهه 
../ اخترق ../ كسر.. وماسرحت به ضويت به 
العرض الشجري
