اكيد كلنا تعرضنا لمواقف من هذا القبيل
كل واحد يعطينا موقف او اكثر تعرض له
مرة كنا في مهمة رسمية لجنوب المملكة معي واحد دلخ طيب
عزمنا المسؤول هناك على الفطور
قرصان البر وقرصان العسل والسمن البلدي واللبن والحليب ( كله من بيته)
فطرنا من تلك النعمة
قمنا نغسل الرجال قدم لنا الصابون للغسيل خويي رد عليه ( يارجال ما يحتاج صابون والله لو انها ذبيحة) يالربع انا اسودت الدنيا في وجهي اقول لنفسي يا ارض انشقي وابلعيني -جيت ارقعها ما ترقعت الرجل قال والله لو ماانتم مستعجلين ما كان افطركم الا ام الشحم
قلت له هذه النعمة خير من كل الذبايح -- اللحم والرز ملينا منه وهذا الفطور نادر ما نأكله-- ودعته وانا لا استطيع النظر لوجهه
المواضيع المتشابهه 
طرائف مضحكة محرجة 
العرض الشجري
