انت شخص تبي تستفيد من اي سهم والمشكله من بعض المحللين والمطبلين
تجد ان المحلل مع احترامي لهم متعلق بسهمه وتجده يصور الشارت والاهداف يضعها بالارقام ومحدده بعد
والنقطه اللي ابي اقولها للمحللين ليه ما تصور الشارت من سنتين علشان اشوف السهم هل هو مدبل اكثر من مره او مرتين او اكثر
ويمكن ان بعض المحللين يصدقون القول من وجود مضارب يعرفون تحركاته حتى لو مدبل ثلاث مرات هذه خطره جداً تعليقه 100٪
وانصح وانصح يالمسكين
معك كم قرش وجاي تبي تطب السوق وشفت الناس عاجه بسهم
كل ماعليك انك تدخل موقع تداول وخش على ايقونت سوق الاسهم وبعدها جميع الاسهم واختار السهم اللي عاجين فيه وضغط عليه وخش على الرسم البياني وبعد مايطلع الرسم البياني فيه تحت الرسم المده ه ايام وشهر وثلاث شهور وسنه وثلاث سنوات تابعه وشوف الرسم البياني هل السهم في القمم او انه نازل او انه ثابت وانت بعدها تحكم على السهم اكيد لا شفته بالقمم طالع على شكل هرمي اعرف انه تصريف واذا شفته ماتحرك ولا دبل دخولك آمن بس على شرط انك تشوف الرسم البياني اكثر من سنه
وانت كذا توصي نفسك من غير المحللين والمطبلين
هذه معلومه قد يجهلها بعض الناس ولايعرفونها وحبيت انوه للاخوه اللي ماعندهم خلفيه
والسلام عليكم
المواضيع المتشابهه 
ليه توهق عمرك مع المحللين بالتوصيه خذ التوصيه 
العرض الشجري
