القصيدة لشاعر الحكمة ( بخيت السناني)
ألا يالله عليـك المغفـره و السـتر و التيـسـير
تيسـرها علـى اللي ضيقتـه مـا هـو مبينهـا
صبـورآ يرجـى المولـى حسيـن الخلق و التدبيـر
كريـم الوجـه مهمـا صعبـت الدعـوى يهـونهـا
أنـا ما الله خلـق ليـه جنـاح و ريـش مثـل الطيـر
ليـا ضاقـت بـه الديـره تجلـى و انتحـى عنهـا
أنـا رجال حافظ منـزلي و اللي يصيـر يصـير
ليـا شـانـت بي الاحـوال أقـول الله يزينهــا
لحيـث أن الولـي قادر على التقـديـم و التأخيـر
ليـا منـه نـوى صنعـه بكلـمه كـن يكـونهــا
أنـا عنـدي نصـايح و استشيـر بدنيتـي و أشـير
أميـز بالنصـايح و أعتمـدهـا و أهـدي أحسنهــا
نصيحه يا فتـى لا تـودع اسـرارك صـدور الغـيـر
ما دام الله خلـق لك صـدر يحفظهـا و يمنهـا
ليـا ودعـت سـرك في صـدور النـاس ما أنـت بخيـر
متـى مـا ضـاقـت صـدور البشـر تظهـر خزاينهـا
و لا تـاثق بمـن قـال اعتبـر سـرك بجـوف البيـر
ليـا سلمتهـا بيـدين غيـرك ويش يضمنهــا
أنـا ما أقولهـا متهـم ثقـات النـاس بـالتقصـيـر
لكـن أقـول خلـق الله مختلفـه معـادنهـا
المواضيع المتشابهه 
نصيحة : لا تودع أسرارك أحد 
العرض الشجري
