خلاص ياقاسي ترى منك اكتفيت
واكتفى خدي من دموع تسيل
ابتعد يالي جفيت وماوفيت
انتهى حبك من القلب العليل
أشقاني الي
كنت أظنه حبيبي
بكّى عيوني
ثم قفّى وأنا ادعيه
لا واحسافة
كنت احسبه نصيبي
لا ماهقيت
انه نسى
من شقى فيه
ماهقيت ان الغلا يقلب جحود
ولا دريت ان الخيانه من طباعه
راح عني بعد ماداس العهود
رجع القلب المشقى في ضياعه
أمشي مع العالم
وكني غريبي
قلبي يدور
بين هالخلق غاليه
أرجي الوصال
ولا أظنه
دري بي
ولو طالت المدة
أبصبر وأبرجيه
خلاص عن حب المزايين هونت
خلاص مابي حبهم لو يجوني
ياما لسواد عيونهم هنت وأنهنت
وبأسبابهم صار البكاء من فنوني
ياناس خلي راح عني
وانا أشوف
ياناس ذاك الي أحبه تخلى
ياناس قولوا له ترا القلب ملهوف
يبكي على من في وصاله تغلى
خلاص أنا ماعاد لي رغبة فيك
أبعد وخل الحب لأهل المحبة
( أبعد ) تراها كلمة حيل تكفيك
ماني من الي يكثرون المسبة
يا اللي طويت بلاد وبلاد وبلاد
مسكنك في عيني لو أعدم نظرها
إنت الحزام اللي على الجنب شداد
لا من بدت بقعا وولع شررها
يكفي من التلميح في كل مقعاد
وعلتي ظنيت عندك خبرها
أحث خطاي في دربٍ تعًسر
وأشد عزوم فيني مستخيره
وأ مني عيني بصبحٍ وتسهر
وترجع بالنظر عيني حسيره
كل هذا وما فهمته
وما تصور لك غلاك
شوقي اللي لك رسمته
في عيوني ما هداك ؟
وقلبي اللي لك وهبته
لو ومرته ما عصاك
وشعري اللي لك نظمته
ما زهاه الا بهاك
ومهما يا خلي ظلمته
عاشقك يطلب رضاك
انا لك لو عاندتني
تصاريف الايام
ولاعاش من يكسر
النفس وبفراق يجبرها
ابسالك ليه انا
من نصيبك
بس بالاحلام
ليه البشر حرموا
وربي بكتابه يحللها !!
تخيل ان السما
تحضن الارض وتنام
وان النجوم حراس
مع كواكبها
تخيل انك انك الحياة
وانا الموت بلا كلام
موت بالحياة اعيشها
لك ولك اوهبها
هم علموه ان الحب سواليف ومزوح
وان دنياه كلها لعبةٍِ بين ايدينه
مادرى ان الحب نبض قلبٍِ وروح
وسعادة الدنيا لاصار قلب خله بين ايدينه
والوفا اهٍِ الوفا يبري كل الجروح
لاصار قلبه لعـــوب
قلبي الوافي وش بيدينه؟
ارحلي دامك بغيتي ترحلين
واتركيني في همومي والقهر
واتركيني لليالي والسـنين
اللي مثلي كم تعود للسهـر
طيب
طيب و صدقت الحكي
غلطان غرتني العيون
مادري ان الناس في لحظة تحب
و الناس في لحظة تخون
عجبني ونقلته لكم
تحياتي \الهــــــــندى
تستطيع المشاركة هنا والرد على الموضوع ومشاركة رأيك عبر حسابك في الفيس بوك