.
طبعا بيجي واحد مسرع وبيقول وحنا وشدخلنا ابقول له وامثاله هذه الرسائل تاثر على عقل المراه الباطن وتخليها تنرفز وتعصب لو حاولت مثلا تحيب موضوع الزوجه الثانيه
والسبب هالنماذج
انا فقط اقرب وجهات النظر وابين لكم يامعشر الرجال معاناه بعض النساء ..ولسن ضد التعدد كما يفهم البعض ولكننا ضد الظلم في التعدد كما يحدث مع اشباه الذكور
اليكم الرساله الوتسابيه 😎
انا متزوجه وعندي عيال وربه بيت .........المهم زوجي متزوج علي وزوجته موظفه بمستشفى ودوامها طويل احيانا ترجع من دوامها العصر علشان كذا يوميا زوجي يتغدا عندي .......لكن زوجته مو عاجبها هالشيء تخيلو بكل وقاحه تقول لزوجي خل زوجتك تطبخ الغداء وتقسم لنا قسم وجيبه معك نتغدا مع بعض يعني الهانم تبغاني اطبخ غداها وارسله لها واللي ذابحني ان زوجي موافقها على الكلام وجاي يتشرط فوق راسي قلت له لو تنطبق السماء على الارض ماطبخت لها وش حضرتها خلاص خل تفصل من دوامها وتطبخ غداك ...وتهاوشنا انا وزوجي وقاعد يتفلسف فوق راسي يقول لي هذا العدل اني اتغدا عندك يوم وعندها يوم قلت ماختلفنا لكن هي تطبخ غداها انا موشغاله عندها قال لي ماعندها وقت هي تجي العصر قلت عادي تطبخه من الليل والعصر تسخنه قال لي تعرفيني ماحب الاكل البايت قلت له اجل مولازم طبخ تغدو نواشف او معلبات قال لي ماحبهن قلت اكثر ماكثر الله المطاعم بهالبلد خل تصرف من راتبها على بطنها قال لي اكلهم مو نظيف ...عطيته جميع الحلول لكنه معصب واحتد بينا النقاش ووصل فينا للشيطان الرجيم لدرجه حلف علي بالطلاق انه ورى خشمي اطبخ غداها .... .
ياناس ياعالم مشتهيه اروح بيتها واضربها لانها هي محرضه زوجي على هالشيء حسبي الله عليها علموني وش اسوي كيف اتصرف كرامتي ماتسمح لي اطبخ لها وبنفس الوقت زوجي حالف علي بالطلاق دبروني وش السوات
.
.
.
تستطيع المشاركة هنا والرد على الموضوع ومشاركة رأيك عبر حسابك في الفيس بوك
rv,fhj hgpvdl hajugj ,hgsff ihgvshgm