حصلت على الجنسية ودرجة أولى بعد لا زواج ولا أستثمار ولا شروط معقده صدفه خير من آلف مــيعاد بس القهر لي
وبنتي الصغيره والغلط مني هذا كله بخدمه صغيره خدمة لي شخص يوم كنت في حدى جزر الفلبين العام في غابة الفوريست
تدخل لها وفيها شلالات حلوه ويبغالك تمشي 3 كيلو تقريباً وأنا راجع من الشلالات لقيت واحد جالس بالأرض ويتوجع وكان فيه
ناس رايحه جايه ونفسي نفسي خاصه الأستراليين رحت له ويوم سئلته طلع طايح ومشط القدم فيه شعر وأشتغلت النخوه السعودية
المشكله أني شايل بنتي الله يحفظها ثلاث سنوات ولازم تكون معي لأن الطريق صعب شوي قلتله حط يدك على كتفي وترك علي وأمش
برجل وحده جلس طول الطريق ينطنط المهم بعد كيلوين تقريباً وصلنا منهد حيلي وأول ماطلعنا لشاطىء فيه التكاسيء واجد ركبته
حدى التكاسي قال بيروح المستشفى قبل لايروح قال عطني رقم جوالك المهم عطيته رقم جوالي ونسيت السالفه بعد ثلاث أيام أتصل علي
يتشكرني قال أنت وين ساكن قلت في الفندق الفلاني جاني بعكازاته وجلس يتشكر فيني ومن ذا الأمور المهم قال أنا من بالاو وأنا أتشرف
أنك تحمل الجنسية يوم ولعت عيوني قلت كيف قال أنا بعطيك الجنسية قلت ليش أنت مسؤول كبير هناك قال لا لكن عمي له منصب رفيع أنا
قلت لحول شكله عايش مع ربعنا بدا بالهياط يوم قال أبغى صور شخصيه لكم لكي أستخرج لكم الجوازات بالبدايه ما هتميت وغيرت السالفه
أصر علي عطيته صور لي ولبنتي الصغيره فقط أخذت الآمر أستعباط وش الجواز الي يطلع بس بصور وصورة الجواز وقلت هذا جاي يستهبل
وبقلبي أقول والله الشرهه علي لو أني تاركك في محلك أحسن تفاجئت بأنه يتصل علي بعد سنه يقولي مبروك قلت على أيش قال أنت وبنتك
أصبحتم بالاويين قلت ياولد أنت من جدك قلتله كذه ههههههه بالعربي من الحماس رجعت قلتله أنت متأكد قال نعم تمت الموافقه ويجب
عليك القدوم إلى بالاو لكي توقع على التعهدات وهي روتينيه عدم مخالفة القوانين مثل باقي الدول وتستلم جوازك بنفس اليوم وتتوظف
وتستثمر وتفعل ما تشاء مثل المواطن العادي قلتله ياولد الحق علينا باقي العائله مالكم بالطويله طلعت الدوله صغيره وعدد سكانها
طلع 20 الف نسمه يعني حي الفلاح بالرياض أكثر منهم ههههههههههههه
وش الراي أروح ولا أخليها بس رغم أنها سياحية درجة أولى والبلد كل سنه يتطور
وزينتها يتكلمون أنجليزي ويستخدمون الدولار بس مشكلتها بعيده ورى الفلبين بس الوكاد أني بجنس حينا كلهم هههههههههههه
تستطيع المشاركة هنا والرد على الموضوع ومشاركة رأيك عبر حسابك في الفيس بوك
pwgj ugn [ksdm fhgh, fhgw]ti