منتديات شمس الحب - عرض مشاركة واحدة

غرام الورد · منذ /12-04-2008, 09:31 PM

مسسآئكمْ // صـبآحكمْ

شــعرْ و مشــآعرْ

موضوعْ sms & mms

هيْ فقطْ لـ الشآعـرْ الرآئعْ لـ حدودْ الثمآلهْ عبد اللهْ البكرْ

مــدخلْ //

لا تسألي يا عصافير الفجر عنها !
..... خلي دريشة لقانا .. وإرحلي عني ..
هي في يدين الرياض اليوم .. لكنها
...... في داخلي .. وهذا هو اللي مجنني !

لا يطول الزعل الله يخليك .
.....................ما يفيد الزعل والله فديتك .

ليه الأيام خرساء .. مـا تـرد السـلام
......... وليه حتى السنين الماضية .. ما ترد .. !!
لي سنـة رافـع ٍ كفـي .. بليّـا كـلام
........... وإنكسر خاطر الغيمـة .. ورد الرعـد ..

........ سامح الله خطاك إن كانك أخطيت !!
ما يفيد العتب .. يا نـور عينـي ..
..........كمل طريقك .. وإن تناسيت ..
بأطلب الله عسى اللي فيك فينـي !

.................. كانت هنا ذكـرى .. مشاعـر عميقـة
( كانت ) .. وكل شي إنتهى .. مادرينا
.....................تدري .. أحس إن آخر العمر .. ضيقة !
وإنـي بأضـل أذكـر تفاصيـل فينـا
.......................تكفى .. الجـروح النايمـة لا تفيقـه
أخاف أصارخ .. وأزعج اللـي نسينـا
......................وداعـة الله .. ياليـديـن الرقيـقـة
والله مادري .. تذكـر اللـي حكينـا !!

أبيك تذكر كلمتي .. لا تماديـت !
محد ٍ يبي يفرش لك الأرض زيي
ماهو عشانك أجمل اللي تمنيـت
كم بنت ٍ أبدت لي غلاها .. وأعيي

الحين "أحبك" وأمس تمشين بخطاك !
لا تاسعـك دنيـا ولا تاسعـك أرض
ألحين " أحبك " وأمس متبرجة هناك
وأنا أقرض يديني من مشاهدك قرض

يقولون السماء لغز النهار وسـره المكنـون !
.............. وأنا أقول السماء ثوب النهـار ولبسـه الدافـي
غيومه كنها قطعة قطن تمسح جـروح الكـون
...............إلى من سال مع دم الشفـق دم أكثـر أطرافـي
وأنا ماسك جسد كنه شجر صبار وأرجي عون !
................وترفات الورق تضحك علـي لا مـرت خفافـي
جسد بنت ٍ نوت درب الرحيل وغمضت العيون ..
.................عشان إن طاح دمعي ما تشوف شكثر أنا وافي !

مطار ..
وناس تحجز للمفارق .. عمد !

( شمس ) .. ضمي يديّ .. أبغى دفى يديك !
زاد .. بـرد الغيـاب اللـي بـصـدري ..

بقى بعدك أمل وإحساس بإنك راجعه بعدين
................................... ياليتك ماخذه حتى الأمل في ليله غيابـك

................ حتى شعاع الشمس دل الشبابيك !
من كثر ما وقف على راس بابك
.................كن للصباح ايدين بيضاء تصحيك
من حرصها .. عيت تلامس ثيابك

كنك بديت تعود القلـب فرقـاك !
.......... تترك مابين أجسادنا ألـف حاجـز
خلك معي واضح دخيلك .. وماجاك
............مني .. تراه إحساس إنسان عاجز

....... يعني كذا .. ودك نفـارق بعضنـا ..
تسكت وانا اسكت .. والوداع إيتكلم !
........أرسلت لي .. ما كنت أحسبه جمعنا !
وشميت به .. عطرك كأنـك تسلـم
.........يا رقتـك .. حتـى وحنـا إفترقنـا
قبلتني .. في مسحة الظرف .. بالفم !

ألا يا قو قلب ٍ ماترك لمحبتـي سيـرة
............................ وألا يا قو عين ٍ مابكت في لحظة وداعي

يمكن الصدر صار أضيق مكان أعرفه !
..................... .بس الى الحين ينتظرك تجـي وتحكـي
داخلك سر .. وعيونك بـدت تكشفـه
.....................ليتها زادت شـوي .. وبـدت تشتكـي

ياكثر ماتكشف الأنفاس عن ضعفي
........ ياكثر ماتجرح إحساسي ولا آلومـك
مليت قل العطى وإحساسك المخفـي
........ مليت تقسى علي وأسأل عن علومك
ياسهل ماتقتـرب ياسهـل ماتقفـي
........ كنك ملكت الفـراق ولـذة قدومـك

كابر على من يرخص الناس لأجلك
.................... حتى ولو أخطيت بالحـق .. كابـر
ما يصبر الا واحد ٍ منتبـه لـك !
..................... وأنا معاك لسكرة الموت .. صابر

عاد النسيم .. وتنفست الهواء والعبير !
............ والدم زاحم شراييـن الجسـد للفـؤاد
كني ولدت بضحى يوم الربوع الأخيـر
............. يوم إلتقينا .. بعد فقد وفـراق وبعـاد

يطري علـي أتركـك وأروح بالحالـي
.................. درب ٍ جمعنا سـوى .. بكـره يفرقنـا
ويطري علي الوجع .. ويروح عن بالي
...................جروح عمر ٍ مضى .. للحين تحرقنـا
سنين كنها طفل مولـود مـن تالـي !
...................يدري بنا .. نب نموت .. وجا يعانقنـا

mMs