من المفترض ان المرور ينظم حركة السير ولا يعيقها
لكن مع مرور الرياض غير فهم يعرقلون حركة المرور بدلا من تنظيمها
المشكلة اليومية التي تواجهنا وهي رجل المرور الذي يقف عند مخرج الخدمة الى الرئيسي
فالمدخل يتحمل مساران فقط
فيقوم بسد مسار بسيارة المرور بقى مسار واحد
من المفترض ان الناس تصف ورى بعض
لكن الغريب العجيب ان رجل المرور واقف
ويجي واحد من اقصى اليمين بكل بجاحه ووقاحه ضاربا بالحائط الناس الواقفه قبله ورجل المرور الي واقف ويسوي مسار ثاني ويصفون الناس وراه ويبدون يلفون على المسار الاول
ويجيك ثاني بعد ويسوى مسار ثالث وتشوف الناس حرب من هو اقوى قلب ويذب الموتر هو الي يمشي !!
طبعا شرطي المرور اما ان يكون بالدوريه جالس او يلعب بجواله او طاق النظارة الشمسيه وعامل نفسه ميت مايشوف
طيب وش ذنب الناس الي ماسكه سرى وقدامها ثلاثين سياره عشان تمشي
بطريقتهم هذي المرور يشجعون الناس انها تخالف وتساقط ولا تحترم دور ولا شرطي مرور ولا غيره
والله اني هبلتهم بالتلفون كل يوم ادق واشتكي على نفس المشكله
الموظف حفظ اسمي وحفظت اسمه
اقوله ياطويل العمر يوميا حنا مع ذا المعناه
انت تشجعون الناس انها ماتمشي نظامي وتعرقل السير
المشكله كل هذا يصير قدام العسكري يسقطون ولا همهم احد
وشلون مايحترمون العسكري الي واقف ولا العالم الي ماسكه سرى
حطو ناس قويه شخصيه تقدر تسيطر على الوضع والله لو اني مكانه هذولي العينات مو بس ما اخليه يخش اوقفه واعطيه مخالفه عرقله سير
ياخي الموضوع مو صعب بس يبيلكم ناس ودها تشتغل موب قاعد يلعب بجواله ولا زابن بالدوريه ومخلي الناس تتذابح
تستطيع المشاركة هنا والرد على الموضوع ومشاركة رأيك عبر حسابك في الفيس بوك
ig hglJJv,v dJJJJJJk/l hgsJJJJJJdv hl dJJJuvrgi ( lHsJhjkh hgd,ldm f'Jvdr hglg; ti] )