السلام عليكم ورحمة الله وبركاته
العقار ارتفع ارتفاع جنوني بقوة وغير مبرر
بعد رمضان الي راح جانا قرض عقاري وقال الوالد شف لنا فله او ارض بالرياض
نحوله عليه ونسكن بالرياض افضل من القرى
وبكذا رحت للرياض وقعدت شهر الف وادور فلل جاهزه واراضي لقيت فلل دبلكسات من مليون لـ 650 الف بحسب المساحه طبعاً من مساحة 375 الى 250 تقريباً بس صغيره ولاتستاهل المبالغ فيها
ومن كثر ما الف وادور سئلت على الاراضي وكان المتر بحول 800 ريال
بعد نهاية الشهر لقيته بـ850 للمتر .؟ وبالاخير صرفنا النظر عن الرياض والغلا الغير مبرر
لكن المشكله قبل اسبوع سئلت واحد قريب لي يقول الحين المتر بـ1100 .؟
وكلها بجنوب الرياض في حي الدار البيضاء
المسئله ياخوان الي ودي اقوله لكم ان الاراضي والفلل عروض كثيره على حسب ماشفت انا بعيني ولفيت جميع المكاتب تدخل المكتب تلقى عنده مئات العروض اراضي وفلل لكن ما اشوف مشتري لها .؟؟
والظاهر هـ الارتفاع ماهو الا بداية انهيار العقارر ارتفاع وهمي ومشتري وهمي
وزادت الاسعار لـ استقطاب عدد كبير من المشتري الحقيقي الي هو انا وانت يالي تدور على بيت .؟
وهذا ذكرني باايام 2006 عندما ارتفع السوق اعرف ناس ماخشو الاسهم الا عندما ارتفع السوق فوق 18 الف وكانو ضحايا وهم اقرباء لي وناس كثر .؟
( واذا وودكم ينهار العقار )
لاتشتررون اتركوهم يعرضوون لين يورثونها عيالهم
وبكذا بينهار العقار غصب عن انف التاجر الجششع الي همه بس زيادة ارصدته في البنك
تستطيع المشاركة هنا والرد على الموضوع ومشاركة رأيك عبر حسابك في الفيس بوك
,,];JJl hgurJJhv dkiJhv hvtu, d]dk;l