السلام عليكم .. اسعد الله جميع اوقاتكم بكل خير ..

الكل يحصل معه موقف طريف في حياته .. فيها المحرج وفيها المضحك وغيره ..

القصه

مره من المرات كنت معزوم على عشاء عند انسبا لنا جدد ما اعرف منهم احد الا الي اهلي الي معي .. المهم في المجلس قاعدين والكل مرسم وساكب على سنقت عشره وكأنه في مقابلة تلفزيونية .. تدور الحوارات بين الشيبان وحنا يالشباب نستمع لهم بانصات وبدون مشاركة احتراماً وادباً .. المهم دخلوا في موضوع وكان الجو مناسب اني اشارك فيه وفعلاً شاركت بكلام رزين ومقنع وكأني اعجبت هالشيبان بردي وكلامي وكبرت في عيونهم يوم جاء التقليط على العشاء ويسحبني واحد من الشيبان معهم على الصحن واخوياي من الشباب على صحن انا رفضت احتراماً واجبروني غصب شكلهم هاقين فيني اني فلتة زماني المهم وسمينا بالله وقعدنا نتعشا واقوم اقطع اللحم للشيبان واقرب الجريش والمرقوق للي حولي وصايرٍ ماشاء الله علي ذرب .. يوم خلصنا من العشاء ويقوم اكبر واحد فيهم ويقول انعم الله عليكم .. وارفع راسي وارد عليه (( وعليكم السلاااااااااااااااام)) بأعلى صوتي من زود المرجله هههههههههه طبعاً تنبهت اني غلطت وادنق ما ابي اشوف الصحن الثاني الي فيه اخوياي لأني عارف ردت فعلهم .. واقوم مسرع واللقافه ما تخلي اهلها وارفع راسي والتفت الا كلهم يناظروني وفاطسين من الضحك علي وادعس على صحن الحلا من اللخبطه واسوي بصمة قدم مقاس 42 ويمتلي الشراب تكرمون وطرف ثوبي وانحاس حوسه ما يعلم بها الا الله.. وبعدها قررت التزم الصمت واعض على شحمه وما عاد اتلقف وارد الا بعد ما اراجع الكلمه 100 مره ..

اتمنى انكم استمتعتوا بالقصه .. ولكم مني احلا سلاااااااااام




منقول

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

l,rt 'vdt