السلام عليكم
قسم بالله انواع التعقيد في ذا البلد
يكرهونك في شغلك ويحدونك على الرشاوي والحرام
الموضوع باختصار
المؤسسة عندي بالنطاق الاحمر
وابي اعدل واصحح وضع المؤسسة بحيث اكون بالسليم
بديت من فترة طويلة
بتسفير بعض العمالة ونقل كفالات
اللي يبي ينقل
لأن كان عندي نشاط بالسابق وبعته
اللي شرى المنشأة نقل كفالة بعض العمالة والباقي قال ماني في حاجته
آخر شيء بقى عندي ثلاثة زايدين عن حاجة المؤسسة
احد العمالة قال بسافر سو لي خروج نهائي
واثنين قالوا بننقل الكفالة
لا
اللي بيسافر عطوه خروج نهائي وفكوني منه وفكوه مني !
ولا
اللي بينقلون كفالاتهم وافقوا على نقلهم !
احد
اللي بينقلون كفالتهم مهندس وزوجته مريضة ولازم يسافر معها
وكل يوم وضع المسكينة يسوء اكثر واكثر
راجع الجوازات معقب الكفيل الجديد
قالوا لازم خطاب موافقة من كفيلة
عطيتهم موافقة وختمتها
قالوا لازم مصدقة من الجوازات او الغرفة التجارية
الغرفة التجارية رافضة بحجة النطاق الاحمر طبعاً
لذلك رحت للجوازات بنفسي قالوا مانعطيك ورقة !
ليش طيب ؟
قالوا
اللي بالنطاق الاحمر مايحتاج اصلاً موافقة كفيله
طيب اذا ماتحتاجون موافقتي ليش تطلبونها عند نقل كفالته ؟
دخلت على اعلى مسؤل عندهم
قلت مؤسستي بالنطاق الاحمر وبعدل وضعي ياناس
لا انتو
اللي وافقتوا على الخروج النهائي إلا بتجديد اقامته
ولا انتو
اللي جددتوها بحجة اني بالنطاق الاحمر
والثانين بينقلون كفالاتهم
لا انتو
اللي نقلتوها بدون موافقتي حسب انظمتكم , ولا انتو
اللي عطيتوني ورقة مصدقة من عندكم علشان ينقلون كفالاتهم!
ولا زلت بدوامة تعقيداتهم
مدري وش الدبرة
تستطيع المشاركة هنا والرد على الموضوع ومشاركة رأيك عبر حسابك في الفيس بوك