السلام عليكم
كذا مرة ابحث بالنت عن شغلة معينه
ويطلع لي الناغي !
المهم من كثر الشغلات اللي تطلع والوكالات والمنتجات
قلت من باب اللقافة وحب الاستطلاع خلني اشوف وش ذا الناغي من لحية !
تعرفون اللقافة منبعها نحن بكل فخر
درعمت بالبحث وطحت بكذا موقع
وعينك ماتشوف إلا النور
ماشاء الله تبارك الله ولاحول ولاقوة إلا بالله
طلع الرجال يطق اصبع للأسماء المشهورة اللي غاثينا فيها
شغل كبير ووكالات ومنتجات وبعييييييد عن الاعلام والفشخرة والهياط !
حسب ما وقع عليه نظري اكثر من 60 وكالة عالمية !
كلها ذات علامات تجارية مشهورة ومعروفة عالمياً
احدها وربما اصغرها منتجات جلكسي
وهذي مبيعاتها بالسعودية سنوياً تتجاوز 2 مليار !
هذي صورة المملوح محمد يوسف ناغي
وهذا موقع الشركة
http://www.naghi-group.com/
وسوف تلاحظ عدد الوكالات
قال وليد وراجحي قال !
ياترى كم عندنا مثله واكبر غير مصنف ؟
تستطيع المشاركة هنا والرد على الموضوع ومشاركة رأيك عبر حسابك في الفيس بوك