وصاحب القصه موجود اﻻن وقابلته قبل فتره وكان لي معه هذا الحديث
طبعا هذا الشخص تعرفت عليه ايام بدايات طفرة اﻻسهم عاااام 2005
سلمت عليه ودار الحوار عن اﻻسهم وقلت له وش اخبارك مع البورصه قال ﻻت1 تذكرني قلت ليه يابو فلان قال خﻻص طاب الخاطر قلت لا يقولون فيه طفره قادمه قال ماتصلح لي ليه وش اﻻسباب قال ابعطيك القصه كامله انا دخلت اىسهم والناس تسمع فيها بمبلغ بسيط وتلى ذلك بأموال من اقاربي وكنت اتداول بالصاله وﻻ اعرف ﻻتخليل وﻻغيره واكتسبت خبره عن الف محلل والحمدلله عينت خير حتى صرت افرك من الدوام وارجع ﻻخوياي بتيس هديه بعد التداول من النعمه ووصلت الى مبالغ خيااليه وكنت اكسب يوميا بالقليل 100 الف ريال وبعدما ارتفع المؤشر الى 18000 صار عندي احساس ان السوق سيصحح وصفيت المحفظه واصبحت انتظر وكنت ناوي اوزع اﻻموال ﻻهلها وشاورتهم وقالوا ﻻ نبيك تستثمرها ﻻنهم شافوا خياليه المهم جلست انتظر وبدأ المؤشر يوميا يرتفع واﻻسهم تزداد الى ان جاء يوم من اﻻيام اﻻ المحلل راشد الفوزان يقول الموشر الى ارتفاع وسيستمر قلت خلني ابطقطق رحت للصاله واشتريت عدة شركات قلت يوم يومين وابطلع المهم الكلام هذا الﻻربعاء وجاء الخميس وطلعت للبر وكنت متخوف اتصلت على
واحد اعرفه بالصاله قالي السوق نازل واتت خسارتك 100الف قلت بع هذا المبلغ اطلعه بعدين اتا ماني مرتاح قال ﻻاصبر حرام 100الف المهم اغلقت الخط واتصلت بعدها وقال زادة الخساره قلت بع قال اﻻن صار عطل في اﻻوامر ومن هنا حسيت بالرعب واغلق السوق وكانت خميس وجمعه وانا على اعصابي المهم جاء السبت واﻻانا مع الفجر وانا بالصاله حاس ان فيه شي المهم فتح السوق اﻻهو نسب تحت واسبوع وهو نسب تحت وكانت ايام عسيره الناس تنام وانا بالليل اصلي وادعوا الله والحرمه تقول وش فيك المهم استمر نزول السوق والخساره تتضاعف واتصلت على اللي لهم اموال عندي قلت ابخرج لو بخساره قالو لا اصبر الزبده خرجت بالنهايه بقرار مني 30000 بعد ان كانت اكثر من 4000000 قلت واﻻن قااااال لو تقولي السهم بريااال ما شريته هذه تجارة خداع وانا احمد الله انني لم افقد عقلي
تستطيع المشاركة هنا والرد على الموضوع ومشاركة رأيك عبر حسابك في الفيس بوك