 منذ /11-10-2012, 10:12 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  رسالة من مصري بسيط إلى الرئيس محمد مرسي
رسالة مُحِب لرئيس الجمهورية ..
يا مرسي إشتغل .. يا مرسي شيل الفاسد وحط مكانه حد من ذوي الخبرة والشرف !
يا مرسي الزبالة في كل شارع .. والشارع من سئ لأسوأ
يا مرسي فين الإتفاقيات .. أنا مش بأقولك غير مصر في يوم وليلة ..
يا مرسي إحنا شعب بسيط
.. أحلامه أصلاً بسيطة .. مهوش عايز عربية ولا عمارة ولا ولا .. هو عايز إبنه يتعلم وبيته ميبقاش قدامه كوم زبالة .. عايز حقه في البلد بس يا مرسي !
يا مرسي 4 شهور ومانتش عارف تجيب ملفات فساد الحيتان ؟!
مفيش خطوة لإعادة أموالنا المنهوبة ؟!
مفيش هيئة في البلد إتغيرت للأحسن ؟!
مفيش وزير من الفلول إللي إتفرضوا عليك إتشال ؟!
مفيش جديد ... خالص ؟؟؟!!
مفيش غير شوية الهدايا إللي جت لوزارة الداخلية عربيات مكيفة ومدرعات !
يا مرسي أخرج من القمقم إللي حبسوك فيه .. إللي خلوك تبقى ماشي في حراسة كم كتيبة !
رجاءاً ... مش عايز أعرف هتصلي فين الجمعة الجاية .. مني بأصلي وأحب أشوفك بتصلي ووسط الناس وتبقى قدوة .. بس عايز أشوفك في المصانع والمدارس والمستشفيات كمان !
يا مرسي عايزين ننجح .. طيب حركنا على الأرض قول الإسلاميين ينزلوا ينظفوا الشوارع وإحنا ننزل نشيل زبالة الشعب على رؤوسنا عشان ديننا !
يا مرسي يعز علينا إننا نبقى ضدك .. بس للأسف إنت بتمثلنا كإسلاميين بس عملك مش بيمثلنا كإسلاميين !
فشلك هينعكس على الإسلاميين لأمد بعيد لحد ما يجي ناس ناجحين يقدروا يغيروا صورة الإسلام في نفوس الشعب !
تذكر قضيتنا قضية دين ... الفشل المجتمعي هينعكس سلبياً على إنتشاره والإيمان بيه كمبدأ للحياة بأكملها ..
رجاءاً مشروع هذا الدين أمانة في رقبتك .. لا تضيعها...
منقــــول
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |