السلام عليكم ورحمة الله وبركاته
ابختصر المشكله
وابي نصايحكم السديده
عندي عقار وكنت عارضه للايجار
جاني شخص وقال ابيه وعرض علي مبلغ معين
بعده بساعه فقط جاني شخص اخر وعرض علي مبلغ اكبر مما عرضه الشخص الاول وقال فلوسي جاهزه
قلت والله عطيت الرجال كلمه
** ملاحظه : كلهم ماعرفهم ولا يعرفوني ولا تربطني بهم اي صله
رجعت للشخص الاول قلت له انت صامل قال ايه ولا جبت له سيرة الشخص الاول احتراما له وقلت حتى مايقول اني امن عليه
يوم جينا نكتب العقد وهو يقول والله اني لقيت ارخص قلت له الله يحللك ويبيحك اول ابسكت لكن والله ان الزبون واقف وبمبلغ اكثر ولكن كلمتي مارجع عنها
ان كان جازلك ولا تكفا لا تقطع رزقي
قال لالا ابيه
كتبنا عقد سنتين
ودفعلي مقدم 6 شهور
والحين بعد شهر مرسل لي رجاجيل ويقول اطلبوه خلاص ابهون مابيه
حسبي الله ونعم الوكيل
وش الدبره معه
تستطيع المشاركة هنا والرد على الموضوع ومشاركة رأيك عبر حسابك في الفيس بوك