خيبت ظني ، والأمل ، والهقــــاوي
وهدمت كل أللي تعبت ،، وبنيته
من أول ، أجرح فالمحبه وأداوي
واليوم صار أللي أبد ، ماهقيته
حبك ذبحني يالعفيف الحيـــــــاوي
عمري وهو عمري فدا لو خذيته
أرحم غريق ٍ فالمحبه ، وهــــاوي
وكمل طريق الحب ، دامك بديته
وارجع لحظن أللي يحبك ،، ونــــاوي
يهجر جميع الخلق ،، لو ماجفيته
غصن الغرام أللي من العشق ، راوي ؟
صابه جفاف ،، وصاحبك مارويته
عمر الآماني ماتجي ، بالرجـــــاوي
وعمرك ماتحصد زرعك أن ماسقيته
ويم الهدف ، لو ماتسوق الخطـــاوي ؟؟
يموت حلمك ،، والثمـــر ماجنيته
أترك سواليف السعه ، والحكــــاوي
وأسمع كلام أللي في حبك بليته
الحب ماهو مزح ، ولا حــــزاوي
وماهو على كيفك ، متى مابغيته
على الشقى لاصرت ، لا مانتّ قاوي ؟؟
مالك ومـاله ،، دام ماقد قـويته
لكن أنــا ؟ ،، فالحب دايم هـــــواوي
أهوى وأحب ،، ومن نساني نسيته
أطيح ،،، لكني أطيح امتســـــــاوي
أضحك ،، وهمي داخلي ماشكيته
عايش حياتي ،، لو مباتي خـــلاوي
ودرب الخيانه ،، عمري ماقد وطيته
حتى عدوي ،، لو غشتـّه البـــلاوي ؟؟
لو مانفعته ؟ ،،، بالغــــدر مانويته
دامك كذا ،،
خيبت فيك الهقـــــــاوي ؟؟
مثلك مثل غيرك ،، ،، غرامك سليته
تستطيع المشاركة هنا والرد على الموضوع ومشاركة رأيك عبر حسابك في الفيس بوك