بسيارة ضاري نزل المرايه يضبط الشماغ حقه..ولبس النظاره اللي تحكي عن فخمتها بدون أي تشكيك..
وفتح الدرج وتعطر وبعدها حرك السياره باتجاه الشركه..
دخل الشركه وهو يصبح على الجميع والجميع يصبح عليه..والكل يوقف باحترام بما انه اكثر احترام منهم ومع الجميع..
على انو فولاذي الا انه مو متغطرس ولا قليل ادب..كان في قمه الذوق والاحترام والادب..
فتح السكيورتي اللفت..دخل ضاري ودخل معاه الحارس..
ضغط على الدور الرابع ...وصل اللفت طلع منه اتجه يمين اخر مكتب على اليسار دخل معاه..
وقف له السكرتير باحترام: صباح الخير طال عمرك..
ضاري وقف للحظه: هلا ياسر صباح النور..جهز كل البريد وجدول اليوم وجيبه لي..
ياسر: سم وابشر طال عمرك..
وبعدها دخل ضاري مكتبه وجلس على كرسيه..


#############################################
في القصــــــــــــــــر..


وقف ابو ضاري: الحمدلله...اريام يا قلب ابوك تبيني اوصلك..
ابوضاري يمووووت في شي اسمه اريام كانت هي اقرب له من كل بناته او حتى زوجته نفسها..تحن عليه وتسال ودايم بصف ابوها..
اريام بحب: لا يبه مشكور راح تمرني صاحبتي..
ام ضاري: ليه ما راحتي مع السواق؟؟
اريام: يمه صاحبتي بتمرني وعشان ما أأخرك..
ام ضاري وهي تخفي حنانها عن اريام لانها بنت ابوها: براحتك..
ابو ضاري اللي حس في ام ضاري كيف بتحرم نفسها من بنتها عشانه:يله بالاذن..
اريام : وانا بعد مع السلامه يمه..
ام ضاري :مع السلامه..حتى انا بروح اجهز نفسي عندي اجتماع مهم اليوم..
اريام بفضول وهي ماشيه:عن ايش؟؟
ام ضاري: عن تالق سيدات المجتمع..بتجي وحده اجنبيه وبتلقي المحاضره هذي..
اريام ابتسمت لتفاهة الموضوع بالنسبه لها: بالتوفيق..
ام ضاري: تعالي معاي راح تستفيدي كثيييير..
اريام اللي فهمت قصد امها في انها تبي تحاول تطورها على على حد قولها: لا مشكووره يمه عندي شغل باي..
ام ضاري: باي..
ما ادري متى هالبنت بتغيير وتنتبه لعمرها ..الناس تهتم لنفسها وهي دافنها نفسها يا بين الشغل ولا الكتب..
وطلعت ام ضاري غرفتها تتجهز للمحاضره اللي راح تضم اكبر سيدات المجمتع ..


&&&&&&&&&&&&&&&&&&&&&&&&&&&&&&&&&&&&


اريام وهي واقفه بالحديقه اللي خارج القصر..واللي منظرها يبعث الحياة وتجدد نشاطه..
:وينك يا بنت؟؟
منار صاحبة اريام:هلا انا قريبه ..يله وصلت اطلعي..
اريام طلعت خارج القصر لان الدخول له اصعب وركبت السياره
وبصوت هادي: السلام عليكم..
ردت منار: وعليكم السلام هلا والله.."ولفت على اخوها" عبدالرحمن ترا رد السلام واجب..
عبد الرحمن بحيا: وعليكم السلام..
ابتسمت اريام من تحت البرقع وهي مغطيه عيونها وتدري انه ما رد عليها لشده احراجه منها..
شغل عبد الرحمن الراديو وحط على اذاعة القران السعوديه..
وكانت تتكلم عن موضوع شيق ..وهو عن الصبر وفضله ..واستمع الكل للاذاعه بكل انصات لانه فعلا موضوع يستحق الاهتمام
<<فعلا انا صارت من عاداتي الصباحيه وانا رايحه للجامعه اني احط الاذاعه نصيحه مني اسمعوها مواضيعها هادفه جدا ومشوقه وربي بعض الاحيان احس ما ودي انزل من السياره لحد ما يلخص الموضوع..
ومنها نقضي وقت ممتع بالسياره بشي يفيدنا لدنيانا واخرتنا..وصدقوني راح تدمنون مثلي.. ...سوري على الخشه بس ما حبيت اكبت شي في نفسي<<<
ومن اللي اكثر جذبني بالموضوع الحديث اللي لو احنا دققنا بمعناه شوي لا التمسنا شي كبير..


"عن أبي يحيى صهيب بن سنانٍ رضي الله عنه قال: قال رسول الله صلى الله عليه وسلم: "عجباً لأمر المؤمن إن أمره كله له خيرٌ، وليس ذلك لأحدٍ إلا للمؤمن: إن أصابته سراء شكر فكان خيراً له، وإن أصابته ضراء صبر فكان خيراً له".
رواه مسلم."





لحد ما وصلوا لمركز عملهم ..كان مستشفى خاص...
وكل وحده دخلت على مكتبها ..اريام الاخصائيه النفسيه فيه..
ومنار كانت موظفه اداريه..
وباشرت كل وحده بعملها بكل حب واجتهاد..


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^


نفس الصباح اللي مر على القصر وحياة البذخ فيه..
مر على بيت متواضع جدا في احدى الاحياء اكثر تواضع من ذلك البيت..كتب لهم رب القدر تلك المعيشه بلاء واختبار ليرى مدى صبر عباده وقوة ايمانهم ..وشكره وحمده على كل حال ..سواء كان في السراء ولا الضراء..
داخل ذلك البيت المتهالك الذي يصعب اطلاق عليه اسم منزل..اعياه الزمن وافقده شموخه سابقا..
داخل حجره من حجراته بالتحديد..لابد ان يكون بداخله حياة تمد هذا البيت قليلا من الصمود..
:يله عاد قومي بلا بثاره..
:شوي شوي..الله يخليك والله دقايق..
:ابتهال بسرعه قومي والله ماني ناقصتك تراني متوتره حدي..
رمت ابتهال البطانيه المتهالكه بمرور السنين: خلااااص قمت ارتحتي ست مدى..
مدى ابتسمت: ايوه ارتحت ..يله قومي روحي الحمام"الله يكرمكم" ابيه بسرعه ولا تنسي ان وراك طابور..
ابتهال: يارب يجيني فارس احلامي اللي بيفكني من هالقرف...
رمتها مدى بالوساده:روحي ..روحي بسرعه خلصينا انتي وهالفارس اللي بيكره حياته اذا شاف وجهك وانتي صاحيه من النوم..
راحت ابتهال بسرعه ورفعت المرايه او نقول جزء من مرايه وشافت نفسها..
ابتهال تملك من الملامح الجذابه الكثييير..اللي يشوفها لي اول وهله يحس انها جميييله لكن لو بيدقق اكثر بيكتشف انها بس مملوحه..
قالت باعجاب: والله يحلم يصبح بوجهي..
مدى تطالعها بفارغ صبر: اقول ورا ما تخلصين علينا..
حطت ابتهال المرايه على الارض وراحت وهي سارحه تفكر بفارس الاحلام اللي شكله راح يبقى حبيس احلامها..
مدى وهي حاسه بنار العيشه اللي هم فيها..اللي كل ما قالوا انفرجت جاهم هم اكبر من الثاني...تخرجت من الجامعه وتوقعت انها راح تتوظف على طول..وكانت كل امالهم ومخططاتهم مبني عليها وعلى تخرجها ولكن للاسف كل الظروووف ضدها..
بس ما زالت معلقه خيوط الامل على وظيفة اليوم..
اليوم بعد التخرج والتعب والجهد ومحصول السنين..قدمت على الوظيفه اللي تحمل رقم(؟؟؟)..اللي ممكن نعد ونغلط فيه..واخيرا طلبوا يقابلوها..واذا اجتازت المقابله راح تتعين فيها..والوظيفه هذي راقيه وراتبها اكيد راح يكون مغري..


قطع عليها حبل افكارها صوت اخوها اللي تخرج هالسنه من الثانويه وما حصله شغله ولا جامعه..لان نسبته ما كانت تسمح له بدخلوها..
:والحين ذي ما خلصت؟؟
مدى بطفش: وعليكم السلام..لا لسه سيد سلطان ..
سلطان: ياليل..متى بتبطل هالعاده..لازم تقعد سنه..
ما خلص جملته الا بطلعة ابتهال: خلصنا الله يرج العدو..حتى بمكان الاسترخاء ما تخلون الواحد يسترخي..
مدى تتلفت حولها: اعصابك تكفين لحد يسمعك بس يا استرخاء..ياللي عايشه بالجاكوزي..اقول البسي ترا جاء الباص..
ابتهال اخترعت: والله!!!! مالبست؟؟!!!!!
مدى: يله بسرعه الحقي عليه ترا سليطين ما راح يوصلك..
راحت ابتهال بسرعه لبست مريولها المدرسي وبنفس السرعه ضبطت شعرها واخذت العبايه والشنطه ومرت على امها وحبت راسها واخذت الساندوتش وطلعت للباص..
ام سلطان: وراها مطيوره؟؟
مدى: تاخرت على الباص كالعاده هههههه..
ام بسلطان بضحكه اللي بينت قد ايش الزمن حفر فيها تجاعيد: هههه الله يحرسها من كل شر..
لفت على زوجها اللي حصلته على وضعه من امس من لما جاء باخر الليل من السهره..ولحد الان نايم بالصاله..
طالعته باسى ورحمه بحاله وحال نفسها وعيالها...وهي تفكر بذاتها"لو كان ما يشرب يمكن كان حالنا احسن من كذا"
مدى ما خفت عليها نظرة امها لابوها ..ونفس الافكار في بالها بس على محور ثاني.."لو كان عندنا ابو مثل الناس كان على الاقل كان سند لنا..الله يصلحه ويهديه"


&&&&&&&&&&&&&&&&&&&&&&&&&&&&&&&&&&&&&