[ بداية خداع ]
بعض قد يتأثر بالمظاهر ولكن بعض يعرف كيف يتصرف


بالحـوـوـووش تحديداً الساعة 11 الليل كانو البنات قاعدين برا ماعدا نجلاء ولمى ...

هديــل : بنااات مليت
غرام : وش رايكم ندق نستهبل ع الناس
هديل : ههههههه
رهف : اووكي يلا
أسرار : لا حرام عليكم مثلا دقيتوا على وحدة مريضة ماتقدر تقووم من الفراش ويوم سمعت التليفون قامت تحسبه ولدها اللي مسافر يدرس براا وتقووم مستانسة لأن ولدها ما يدق عليها وهو واعدها وهي ماعندها احد المسكينة و......
مرام : بس بس وش ذا
غرام : ههههه
هــديل : نسويها
أسرار : وانا لي ساعة وش أقوول
لمى : خلاص خلاص شيلوا هالفكرة يالبزران
مرام : لا والله اللحين احنا صرنا بزران
لمى : حركاتكم تقول كذا
مرام طنشت ولا ردت
( نجلاء ولمى )

نجلاء : افف
لمى : شفيك
نجلاء : هذي غيداء النشبة
لمى : معجبتك
نجلاء : ايه الله ياخذها
لمى : استغفري وردي عليها وشوفي وش تبي
نجلاء : الو
غيداء : هلا كيفك
نجلاء : تمام وانتي
غيداء : دووم قلبو انا الحمد الله تمام بس مشتاقتلك مره
نجلاء : غيداء انا مب فاضيتلك يلا باي
غيداء : افف اوكي باي

لمى : هههههههههههههههههههههههههههههههههههههههههه
نجلاء : ههه خير
لمى : الله يعينك على ما ابتلاك
نجلاء : هه امين
لمى : طيب انا دقيقة وبجي
نجلاء : وين رايحة
لمى : مو مطولة شوي وجاية
نجلاء : اوكي انتظرك
نجلاء كانت تمشي وحست ان فيه احد وراها التفتت لقت فيصل وراها

نجلاء : فيصل !!
فيصل : ايه فيصل وش فيك مستغربة
نجلاء : لا مو مستغربة بس
فيصل : لا بس ولا شي اسمعيني ابي اسولف معك
نجلاء : طيب يلا قول اللي تبيه بسرعه
فيصل : وش فيك خايفة طيب لا انا ما أبي اكلمك كذا ابي رقم جوالك
نجلاء : والله انك مب صااحي
فيصل : هه ادري من زمان
نجلاء : لا تفكر اني اعطيك رقم جوالي يلا مع السلامة
فيصل وهو يمسك يد نجلاء : وليش ما تعطيني مو واثقة فيني
نجلاء بعدت عنه وراحت
فيصل : وش قلتي
نجلاء : لا تفكر
وراحت نجلاء عند البنات لقتهم يغنون وهديل ضايق صدرها
نجلاء : هديل خير وش فيك
هديل : قالت لها سالفة رغد
نجلاء : طيب روحي لها البيت
هديل : وزوجها ؟!
سلمى : بنات خلونا ندخل داخل
غرام : اوكي يلا الجو صار باارد
هديل : هههههه تلعبوون ع نفسكم ترا احنا بالرياض وتقولون صار الجو بار

دلع : ههه ترا احنا بوقت شتاء طبيعي يكون برد يالخبلة
هديل : هههه ادري بس أستهبل
وقامو البنات وبطريقهم صادفوا الشباب طبعا البنات تغطوا


مشاري : بسم الله الرحمن الرحيم جن
مرام : تستهبل احنا يالتيس
مشاري : والله
مرام : ايه والله
مشاري : انا سامع ان الجن كذابين
مرام انقهرت مره منه ولا ردت عليه
مشاري : غرام
مرام : هلا
مشاري : قلت غرام انتي وش دخلك تردين
جت غرام تصرف علشان ماتتفشل مرام : احنا وااحد
هديل : وش رايكم تطلعونا
ماجد : مو فاضين
غرام : مجوود الله يعافيك
ماجد : اوكي خلاص
هديل : خير ان شاء الله مجوود واناا ليش يوم قلتلك ليه مارضيت
ماجد : هههه كنت استهبل معك
رامي : طيب هديل وين بتروحون
عاد البنات كل وحدة قالت مكان بس اخيرا اتفقوا وي يروحون
دخلوا البنات
نجلاء دورت لمى ومالقتها
ودقت رغد على هديل
هديل : رغوودة وينك يالدبة وش صار معك
رغد : ابوي ماات
هديل : الله يرحمة
واستمرت المكالمة بين هديل ورغد وهديل طول الوقت تهدي رغد
دفنوا عامر ابو رغد والناس عزوها
وبعد 4 ايام طلعوا للسوق
وتوزعوا ع السيارات

مشاري : مرام بعدي شوي
مرام : وشلون ابعد وين اروح
مشاري : ما أقدر اشوفك وراك
مرام : طيب ما أقدر اتحرك زحمة وانتم كلكم عندكم سيارات ومركبينا بثلاث بس
مشاري : احمدي ربك بعد طلعناك
مرام انقهرت مره من مشاري لأنها تحبه بس ماتدري ليش مشاري يعاملها كذا
هديل مرت وخذت رغد معهم للسوق لأن زوجها كان مسافر وشافتها فرصة طبعا البنات مو أول مره يشوفون رغد

فهد : رغد شلونك
رغد : االحمـ د الله انت وشلونك
فهد : بخير ابوي مسافر
رغد : ايه مسافر
فهد : ابوي مضايقك بحفلاته صح
رغد : وش دراك
فهد : هه ابوي أعرفه شوفي هذا رقم جوالي اذا احتجتي لأي شي دقي علي اوكي
رغد : ان شاء الله

*.*.*.*.*.**.*.*.*

لمى وين كانت يوم نجلاء تدورها كانت مع صالح ؟ ولا عندها شي ثاني
مشاري بيقول لمرام ليش يتصرف معها كذا وش بتكون ردة فعل مرام