بداية القصة ..
[ حزن ]
هديل : افف وينها رغد لي ساعة ادق عليها ماترد خلني اروح اجرب مره ثانية
رغد : الو هلا هدوول
هديل : وينك لي ساعة ادق عليك ما تردين
رغد : اولا قولي السلام عليكم
هديل : السلام عليكم كيفك
رغد : الحمد الله تمام
هديل : وش فيك صوتك مو طبيعي
رغد : وش فيني قولي وش ما فيني
هديل : خوفتيني عليك ابي اشووفك ضروري
رغد : اوكي اشوفك بستار بكس
هديل : اوكي يلا باي
رغد : باي
( رغد )
صديقة هديل الروح بالروح وتقربلها من بعيد ومعها بالمدرسة عمرها 19 سنة
متوسطة الطول بيضاء وملا محها روعه وناعمة متزوجه صديق ابوها
زوجها منه علشانه غني ما عندها اخوان
يعني وحيدة ابوها
( هديل )
عمرها 19 سنة متوسطة الطول شعرها لنص ظهرها ولونه اسود
ملامحها مره كيوت طيبة مره و محبوبة
( في ستاربكس )
رغد : وينك يا هديل طولتي
هديل : هلا رغودة اسفة علشاني تأخرت بس قعدت سنة اترجى ماجد يوديني
( ماجد )
اخو هديل عمره 23 شكلها عاادي جدا بس محليه طوله
نرجع لهديل ورغد ....
رغد : ليه وين سواقكم
هديل : امي اخذته المهم خير ان شاء الله وش فيك
رغد بعيون كلها دموع : مليت من هالشايب الله يهديك يا يبه ما زوجتني الا هالشايب
هديل : ما عليه حياتي وبعدين احمدي ربك هو اربع وعشرين ساعة مسافر
يعني مفتكة منه
رغد : بس طفشني بحفلاته كل يوم حفلة حفلة ملييت
هديل : وابوك يدري
رغد : لاء مايدري وإذا درا ما راح يسوي شي
هديل : وانتي وين تكونين بوقت الحفلة
رغد : بغرفتي واقفل الباب على نفسي وكل يوم ضاربني بسبب هالموضع يبيني انزل عنده بحفلته
هديل : لا تنزلين انتبهي
رغد : طيب المهم غيري سيرته
هديل : اوكي
رن جوال رغد
رغد : الو
.. : السلام عليكم
رغد : وعليكم السلام مين معي
.. : انتي بنت عامر
رغد : اي انا خير وش صاير
.. : ابوك مسوي حادث وهو اللحين في ....
رغد : طيب خلاص اللحين انا جايه
هديل : وش صاير
رغد : ابووي مسوي حادث
هديل : الله يستر انا جاية معك
رغد : لا انتي روحي البيت ما أبي اتعبك معي
هديل : اوكي بس طمنيني
رغد : طيب
رغد وقفت لها تكسي وراحت لأبوها
( في المستشفى )
رغد كانت جالسة على الكرسي وتصيح
.. : رغد
رغد : مين انت ووشلون تعرفني
..: انا فهد
رغد : فهد مين اه عرفتك
( فهد يكون ولد الشايب زوج رغد )
فهد : خير وش فيك تبكين
رغد وهي وتدفن نفسها بحضن فهد : ابووي مااااات
فهد ومومستعوب اللي قاعد يصير : رغد وشفيك الناس يناظرونا
رغد : اسفة ما كان قصدي
فهد : طيب تعالي اوصلك البيت
رغد : اوكي
( وطول الطريق كانت رغد تصيح )
فهد : رغد الله يرحمه طول الطريق وانتي تصيحين ارحمي نفسك شوي
رغد : هذا ابوي وشلون ما تبيني اصيح ؟
فهد : بس انا ما قصدي لا تصيحين
( فهد وصل رغد البيت وراح )
( فهد )
فهد بينه مشاكل مع ابوه علشان كذا مو ساكن معه بالبيت لأنه يدري عن سوالف ابوه شاف رغد مرة وحدة بس بس تذكرها على طول يوم شافها بالمستشفى لأنها ما راحت عن باله ابد
عمره 22 سنة متوسط الطول شكله مرره رووعه
في بيت ابو مشاري
ابو مشاري : وين الغدا
ام مشاري : اللحين يجهز دقايق بس
ابو مشاري : وين العيال
ام مشاري : اللحين اناديهم
ابو مشاري : طيب
ام مشاري : مشاري
مشاري : هلا يمة
ام مشاري : يلا يمه الغدا
مشاري : طيب جاي اللحين
ومرت ام مشاري على غرفة سلمى ونجلاء ونادتهم على الغدا
( مشاري )
ولد عم ماجد وهديل عمره 23 سنة جووناااااان رووعه يهبل متوسط الطول الكل يتمنهاا
( سلمى )
25 سنة مخطووبة من ولد عمها محمد
ملا محها ناعمة مره شعرها لأسفل ظهرها و جذاابه
( نجلاء )
17 سنة جذااابه جدا شعرها بوي
وعندها معجباات كثير
ام مشاري ، ابو مشاري ، نجلاء ، سلمى
كانوا كلهم على السفرة ينتظرون مشاري
ابو مشاري : ويينك يا مشاري
مشاري : هلا يبه كنت اغير ملابسي
ام مشاري : ترا بنروح بيت عمكم ابو محمد مسوي عزيمة والكل بيحضر
مشاري : ابو محمد ههه ( يضحك علشان سلمى استحت يوم انذكر اسم محمد )
في بيت ابو ماجد
ماجد : يلا يا هديل تأخرنا امي وابوي سبقوونا من زمان
هديل : يلا يلا جاية اووف وش فيها هاذي ماترد
ماجد : مين
هديل : رغد ابوها مسوي حادث وراحت له ادق عليها ما ترد
ماجد : الله يستر بس ترا مليت وانا انتظرك يلا
هديل : اوكي مجوود لاتعصب
ماجد : وبعدين وشي مجوود هذي
هديل : ادلعك
ماجد : لا الله يعافيك لا تدلعيني
هديل : هههه اوكي
( بيت ابو محمد )
كان الكل مجتمع
هديل ، نجلاء ، سلمى ، رهف ، دلع ، مرام ، غرام ، لمى ، أسرار
رهف : 19 سنة شعرها لكتفها اسود عيونها رمادية مزيوونه مره
دلع : اخت رهف عمرها 24 سنة صديقة سلمى الروح بالرووح
مرام و غرام : توأم عمرهم 20 سنة رووعه يهبلوون وهم اللي يحلون الجلسة دايما
لمى : 17 سنة مع نجلاء بنفس المدرسة شعرها لكتووفها لونه بني
اسرار : 22 سنة رووعه تخقق نعوومه وهاادية جدا
دخلوا الشباب :
محمد ، أحمد ، فهد ، ماجد ، مشاري ، رامي ، فيصل ، صالح ، وليد ، خالد
فهد هو نفسة ولد زوج رغد ويكون بعد صديق ماااجد
أحمد : 26 مالك على بنت عمة دلع
رامي : 19 سنة يحب هديل بس هديل ما تفكر فيه ابدا مزيوون مره وطوويل واخو رهف ودلع
وليد : 23 سنة يحب اسرار موووت
خالد : حلوو طويل رزة و الكل يخاف منه مزيون لأقصى درجة
رووووووعه يحب هديل او بالأصح يمووت فيها
فيصل وصالح : عيال عم 18 سنة يحبون يستهبلون على نجلاء ولمى
فيصل : يهبل جوونااااان يخقق رووعه واخو مرام وغرام
صالح : نفس مواصفات ويكون اخو أسرار
يعني الاثنين كلهم يهبلوون ^_^
طبعا الشباب سلمو على الكل
صالح وفيصل راحو لـ نجلاء ولمى اللي كانوا قاعدين لحالهم
صالح : وش فيهم الحلوين قاعدين لحالهم
فيصل وهو يهمس لصالح : اثقل شوي يا غبي
نجلاء : ما فينا شي نسوولف بس
لمى : صالح شلوونك
صالح : تمااام وانتي يالغلا
فيصل يهمس لصالح : انت ما تفهم اثقل
نجلاء : فيصل
فيصل : عيونه
صالح يهمس لفيصل : يالدب لك ساعة تقوولي اثقل وانت اصلا ما تطبق
فيصل : بعدين بعدين .. وشلونك نجلاء
نجلاء : تمام وانت شلونك
فيصل : بخير دامك بخير
( طبعا نجلاء و لمى يدرون انهم يحاولون يتقربون بس ما يدرون وش وراهم
.*.*.*.*.*.*.*.
تستطيع المشاركة هنا والرد على الموضوع ومشاركة رأيك عبر حسابك في الفيس بوك