السلام عليكم ورحمة الله وبركاته ..
أسئله
ترفع لي ضغطي
واللي يسألها .....مدري شفيه..ومره رايق
مثلا :-
انت الحين بغرفتك منسدح بفراشك ومطفي (النور)
فجأه يدش عليك اخوك\اختك
ويفتح الباب ويقولك بتنام ؟!!
(لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب ..
فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !!
(لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس ..
يدش عليك واحد من اهلك يقولك
(هاا قاعد تدرس !! (لا افرش اسناني !!
يعني ماسك الكتاب شسوي اكيد ادرس
-----------
انت الحين بالكافيه صدفه شفت واحد من الربع او الاهل ..
قالك هاا شتسوي هني !!
(ابيع بطيخ) !! لا تعليق
--------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا يقولك : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالمذيعات
اللي تضيع وقتنا إذا قابلو (الاطفال) , , ,
تقول المذيعه للياهل :- أنت تحب ماما وبابا ! ! !
(( لا احبك)) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !!
من زوود الأدب؟)
--------------------
((((((((2)))))))
تستطيع المشاركة هنا والرد على الموضوع ومشاركة رأيك عبر حسابك في الفيس بوك
j]v,,,,,,,,k hda hgHsHgi hggd jvtu qy'd hglsgli j]v,,,,,,,,k jvtu