جيتك وقلبي يالغلا منك ضامي
جيتك أبي حبي بالأعماق ترويه
شف جرح حبك وسط الأعماق دامي
لجلك عليل ومالقى من يداويه
أسهر بليلي والخلايق نيامي
عجزت أنام وطاري النوم ناسيه
شف هالبشر تسأل من أجلك علامي
منك تعبت وصلك القلب باغيه
أدري لو أرحل يصبح الجرح حامي
وفي مقعدي نار(ن ) على القلب تكويه
تايه وأنا ادري صعبه القا مرامي
وأدري عذابي ماوجد من يقاسيه
أنت حياتي والمنايا غرامي
حبك ملك قلب(ن) قتل بيد غاليه
بين الفراق وبين صادق هيامي
قلب(ن) سطا بيدك عذاب(ن) يقاسيه
قلت القصيد وفيك صادق كلامي
ويبقى الكثير وصعب أبين معانيه
يبقى وأنا قلبي من
الشوق ضامي
يبقى عسى من حرقه
الشوق ترويه
تستطيع المشاركة هنا والرد على الموضوع ومشاركة رأيك عبر حسابك في الفيس بوك