شعر سوداني,شاعر سوداني يتغزل في بنت تدرس في كلية الهندسة,بس والله روعة لايفوتكم


بت هندسه (بنت هندسة)




انا راسي جاط مابين هواك والدبرسه
الفت عشرين الف بيت سبعين قصيده مؤسسه
شان اقدر احسسا وياحلوه يابت هندسه
ياحلوه يازينه البنات يانجمه الليل والمسه
انا رغم اشكال الشتات حاضن عواطفك وحارسه
انا في هواك بقيت فتات ودخلت عشرين مدرسه
جنيت بي كلمات هواك بي قلبي قاعد اتنفسه
وياحلوه يابت هندسه
كان شفتي يابت هندسه
خطواتي دايما بالغلط واموري ديمه معكسه
يوم داك مساهر في الهدوم وكويتا شت شان البسه
لقيتا الصباح حقت اخوي وهدومي قاعده مكرفسه
كان للهدوم مامشكله بشوف لي مصيبة البسه
لكن هواك اعملو ايه دشدش عضامي وهرسه
داير لي فرصه اكون قريب طبله قليبك افلسه
عشان تشوفي هواك كيف بهدل عواطفي ودعفسه
كلماتي ليك اتبشتنت مازي زمان متهندسه
حتى الشعر الكان زمان كلماتو حلوه مملسه
هسه اتلخم بقا كيف كده مافيهو كلمه مهندسه
انت السبب في كل ده يااحلى اسباب الاسه
انا ياخ بريدك اعمل ايه وريني يابت هندسه
امشي واكورك في الزلط ياناس بريد بت هندسه ياناس بريد بت هندسه !!!
كم مره قلت اقوم براي اقعد معاها احدثه
لكني مابقدر عديل مابقدر انضم اونسه
خليك من اشرح ليها حالي وحبي ليك والدبرسه
وياهنايه داير اقول ليك كلام اصلو السكوت فيو وسوسه
انا يا ملاك انا بعشقك وما اظن بلاك ارجى المسه
دايرك تكوني لي حبيبه وابقى ليك حبيب قسه
اكسيك هواي وتلبسيني نعيم هواك اجمل كسه
وياربي كل عاشق نبيل تديهو زي بت هندسه
وترعاها من عين الحسود من توب جمالك لبسه
وياربي تحفظه لي براي ياربي تحفظه تحرسه


بعض المعاني
((الاكتئاب - depressed - دبرسه))((كلمه الدبرسه اي الحيره والاحباط واعتقد انها مشتقه من كلمه depressed اي محبط ))
((يا هنايه)مستخدمه فى العاميه السودانيه عندما تنادي او تود لفت انتباه احداهن من دون ذكر الاسم ))




للاستماع مباشرة والله ماراح تندموا

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

auv s,]hkd